| e-texts navigator |
| བོད་ཡིག |
47b1 'di ltar bslab pa 'bul lo/ /sangs rgyas dang / chos dang / dge 'dun dang / mkhan po dang / slob dpon gtong ngo zhes smras pa dang / tha na 'di skad ces bdag dge sbyong mar gzung du gsol/ bdag khyim pa mor gzung du
47b2 gsol/ bdag za ma dang / ma ning dang / dge slong sun phyung bar gzung du gsol/ ma bsad pa dang / pha bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / rku thabs
47b3 su gnas pa dang / tha dad par gnas pa dang / gnas par bya ba ma yin pa dang / mu stegs can dang / mu stegs can zhugs pa yin no zhes zer ba 'am/ 'di skad ces bdag khyed lta bu chos dang 'thun pa tshangs pa mtshungs par spyod
47b4 pa dag gis chog go zhes zer zhing / 'di ltar rnam par 'khyam 'dod pa'i ngag dang zhes bya ba mu dang po ji lta ba bzhin du rgya cher brjod par bya'o/ /de ltar phyogs gnyi ga'i tshig smras pa de ni bslab pa nyams par byas pa yang yin la bslab pa
47b5 phul ba yang yin no/ /ji tsam gyis na bslab pa nyams par ma byas shing bslab pa ma phul ba yin zhe na/ rnam pa de dag ma gtogs pa ni bslab pa nyams par ma byas la bslab pa ma phul ba yin no/ /mi tshangs par
47b6 spyod pa zhes bya ba ni gnyis kyis gnyis sprod pa'o/ /'khrig pa zhes bya ba ni mi tshangs par spyod pa gang yin pa de nyid 'khrig pa yang yin no/ /chos shes bya ba 'di ni chos ma yin pa la chos kyi sgrar gsungs pa'o/ /
47b7 bsten na zhes bya ba ni lhag par spyad na'o/ /tha na dud 'gro'i skyes gnas su gyur pa dang lhan cig kyang rung ste zhes bya ba ni dom dang / spre'u la sogs pa dang lhan cig tu'o/ /dge slong ma zhes bya
47b8 ba ni gang la dge slong ma'i dngos po yod par gyur pa'o/ /dge slong ma'i dngos po gang zhe na/ bsnyen par rdzogs pa gang yin pa'o/ /bsnyen par rdzogs pa gang zhe na/ gsol ba dang bzhi'i las
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa