rKTs

e-texts navigator

Volume

Page

45b₁ bar 'gyur ba gang dag yin pa de dag spangs pa dang / yongs su shes pa dang / rtsa ba nas bcad pa dang shing ta la'i mgo bzhin du gzhi mi snang ba dang / phyi ma la mi skye ba'i chos can du gyur pa de ni nyon mongs pa bcom pa'i
45b₂ phyir dge slong ma zhes bya'o/ /don 'dir ni gsol ba dang bzhi'i las mi g.yo ba gzhag par mi 'os pa bsnyen par rdzogs pa gang yin pa de dge slong mar dgongs te/ des na yang dge slong ma zhes gsungs so/ /dge slong ma rnams dang lhan cig ces bya ba
45b₃ ni de las gzhan pa chos 'thun pa tshangs pa mtshungs par spyod pa rnams dang ngo / /bslab pa mtshungs par zhes bya ba ni bslab pa gang la bsnyen par rdzogs nas lo brgya lon pa'i dge slong mas bslab par bya ba de la deng bsnyen par rdzogs pas dang / deng bsnyen
45b₄ par rdzogs pas gang yin pa de la bsnyen par rdzogs nas lo brgya lon pas kyang ngo zhes 'di la tshul khrims nyid kyis mnyam pa dang / bslab pa nyid kyis mnyam pa dang / so sor thar pa'i mdo 'don pa nyid kyis mnyam pa gang yin pa de ni bslab pa mtshungs pa zhes bya
45b₅ ste/ des na bslab pa mtshungs pa zhes gsungs so/ /gyur pas shes bya ba ni song bas so/ /bslab pa ma phul zhes bya ba la ji tsam gyis na bslab pa ma phul ba yin zhe na/ 'di lta ste/ dge slong ma khros shing khro ba'i zil gyis non pas bslab pa 'bul na bslab pa
45b₆ ma phul bar brjod par bya'o/ /smyos pa dang / sems 'khrugs pa dang / tshor ba dag gis nyen pas bslab pa 'bul na bslab pa ma phul bar brjod par bya'o/ /khros pa 'am/ khro ba'i zil gyi non pa'i drung du bslab pa 'bul na bslab pa ma phul bar brjod par bya'o/ /
45b₇ dge slong ma glen ma'i drung du bslab pa 'bul na bslab pa ma phul bar brjod par bya'o/ /glen ma ji lta ba bzhin du lkug pa dang / 'on ma dang / gnyid kyis log pa dang / snyoms par zhugs pa dang / lha'i gzugs brnyan dang / sangs rgyas kyi gzugs brnyan dang / mi ma
45b₈ yin pa dang / sprul pa dang / dud 'gror gyur pa'i drung du bslab pa 'bul na bslab pa ma phul bar brjod par bya'o/ /dbus pas mtha' 'khob pa'i tshig gis dbus pa la bslab par 'bul bar byed la dbus pas gal te mtha'

_{iiif viewer powered by OpenSeadragon}

45a - 46a

Texts on this page