| e-texts navigator |
| བོད་ཡིག |
45a1 nga'i bstan pa yangs par gyur pa skye bo mang po la phan pa lha dang mi'i bar dag la yang dag par rab tu bstan pa yun ring du gnas par 'gyur ba la gzigs nas 'dul ba la nyan thos ma rnams kyi bslab pa'i gzhi bca' bar
45a2 bya'o/ /nga'i nyan thos ma rnams kyis 'dul ba la bslab pa'i gzhi 'di ltar gdon par bya ste/ yang dge slong ma gang dag dge slong ma rnams dang lhan cig bslab pa mtshungs par gyur pas bslab pa ma phul zhing bslab pa nyams
45a3 par ma byas par mi tshangs par spyod pa 'khrig pa'i chos bsten na tha na dud 'gro'i skye gnas su skyes pa dang lhan cig kyang rung ste/ dge slong ma de phas pham par gyur pa yin pas gnas par mi bya'o/ /yang dge slong ma
45a4 gang zhe bya ba ni dge slong ma rnam pa bzhi po ming gi dge slong ma dang / khas 'che ba'i dge slong ma dang / slong ba'i phyir dge slong ma dang / nyon mongs pa bcom pa'i phyir dge slong ma'o/ /de la ming gi dge slong ma gang zhe na gang
45a5 gi ming dang / ming du brjod pa dang / tshig gnyis pa dang / tshig bla dgas dang / 'du shes dang / bod pa dang / gdags pa dang / tha snyad kyis dge slong ma zhe 'am/ dge slong ma'i rigs she 'am/ dge slong ma dang /
45a6 'dra bar gyur pa zhes bya ba de ni ming gi dge slong ma zhes bya'o/ /khas 'che ba'i dge slong ma gang zhe na/ gang dge slong ma ma yin bzhin du bdag nyid dge slong ma'o zhes khas 'che bar byed pa dang rku thabs su gnas
45a7 shing / yang dge slong ma yin no zhes bdag nyid dge slong mar khas ches pa'i dge slong ma zhes bya'o/ /slong ba'i phyir dge slong ma gang zhe na/ gang chos dang ldan pas slongs mo la spyod pas 'tsho bar byed pa de ni slong ba'i phyir dge slong ma
45a8 zhes bya'o/ /nyon mongs pa bcom pa'i phyir dge slong ma gang zhe na/ gang gi zag pa kun nas nyon mongs par byed pa yang srid par byed pa/ rims nad dang bcas pa/ rnam par smin par sdug bsngal ba phyi ma la skye ba dang / rga ba dang 'chi
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa