| e-texts navigator |
| བོད་ཡིག |
44b1 bzhin du rmed kyi mi mkhyen par ma yin/ dus su yin gyi dus ma yin par ma yin/ don dang ldan pa yin gyi don dang mi ldan par ma yin te/ sangs rgyas bcom ldan 'das rnams ni 'di lta ste/ don dang mi ldan par rmed pa chu lon gyis zlog par
44b2 mdzad pa yin no/ /de la sangs rgyas bcom ldan 'das rnams ni 'di lta ste/ don dang ldan pa rmed pa la dus mkhyen pa yin pas sangs rgyas bcom ldan 'das kyis ser skya'i bu mo bzang mo la rmas pa/ dge slong ma khyod kyis de ltar byas pa bden
44b3 nam/ btsun pa mad do/ /dge slong ma khyod kyis bdag gir ma byas sam/ des 'di skad ces gsol to/ /btsun pa bdag ni rang bzhin gyis 'dod chags dang bral ba lags na bdag gis ci'i slad du bdag gir bgyid/ sangs rgyas
44b4 bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis
44b5 rnam grangs du mas rnam par smad nas gnyi ga'i dge 'dun la bka' stsal pa/ dge slong dang / dge slong ma dag de lta bas na phan yon bcu po 'di lta ste/ dge 'dun bsdu bar bya ba'i phyir dang / dge 'dun legs par bya ba'i phyir dang /
44b6 dge 'dun 'thun par bya ba'i phyir dang / dge 'dun bde bar gnas par bya ba'i phyir dang / gnong mi bkur ba'i gang zag rnams tshar gcad par bya ba'i phyir dang / ngo tsha shes pa rnams bde bar gnas par bya ba'i
44b7 phyir dang / ma dad pa rnams dad par bya ba'i phyir dang / dad pa rnams phyir zhing 'phel la rgyas par bya ba'i phyir dang / tshe 'di'i zag pa rnams bsdam par bya ba'i phyir dang / tshe rabs phyi ma'i zag
44b8 pa rnams bzlog par bya ba'i phyir dang / tshangs par spyod par rjes su gzung bar bya ba'i phyir dang / tshangs par spyod pa yongs su rdzogs par bya ba'i phyir dang / bstan pa 'thun par bya ba'i phyir dang /
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa