| e-texts navigator |
| བོད་ཡིག |
43b1 brkyang ba ltar steng gi nam mkha' la mngon par 'phags pa mthong ngo / /mthong nas kyang 'jigs shing skrag la yid byung ste skyi bung zhes byed nas bsams pa/ ci re shig lha mo yin nam/ 'on te klu mo 'am/ dri za mo 'am/ gnod sbyin mo 'am/
43b2 srin mo yin snyam du sems te/ tshigs su bcad pa yang smras pa/ khyod ci lha mo 'am klu mo 'am/ /gnod sbyin srin mo dri za mo/ /bud med 'dre mo 'am ci yin pa/ /dris pa de ni bdag la gsungs/ /de skad ces smras pa dang / ser skya'i bu mo bzang mos
43b3 rgyal po ma skyes dgra la 'di skad ces smras so/ /bdag ni lha mo klu mo min/ /dri za gnod sbyin srin mo min/ /mi dbang bdag ni bde gshegs kyi/ /bya ba byas pa'i nyan thos ma'o/ /de nas rgyal po ma skyes dgras tshig de thos nas ri dgas dang 'dra
43b4 bar zug rngu gnyis pas gnad du bsnun nas kyi hud kye ma a la la sdig pa chen po byas so snyam nas tshigs su bcad pa yang smras pa/ bdag ni rgya mtsho'i pha mtha' 'dra ba yi/ /sdug bsngal gcig mthar re shig mi phyin na/ /da ni gnyis pa nye bar
43b5 gnas gyur te/ /glags yod pas na bdag la gnod mang 'byung / /de de ltar sems pa las brgyal nas sa'i steng du 'gyel ba las re shig na chus gtor nas bslang ngo / /de nas rgyal po ma skyes dgras rang gi sems rnyed nas ser skya'i bu mo bzang
43b6 mo la 'di skad ces smras so/ /kye ma a la la bdag ni smras shing snang bas 'khor bar 'khor ba na shin du smas par gyur na mi rung bas 'phags ma mar gshegs mar gshegs/ nyes par spyod pa'i 'dam gyi chu bor bying ba bdag gis sug pa
43b7 nas drang du gsol/ de nas ser skya'i bu mo bzang mos de rjes su gzung ba'i phyir babs so/ /babs nas stan bshams pa la 'dug go/ /de nas rgyal po ma skyes dgras ljon shing rtsa ba nas bcad pa bzhin du ser skya'i bu mo
43b8 bzang mo'i rkang pa gnyis la gtugs nas ser skya'i bu mo bzang mo la 'di skad ces smras so/ /'phags ma gdul dka' ba rnams la bzod par mdzad du gsol/ ser skya'i bu mo bzang mos 'di skad ces smras so/ /rgyal po
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa