| e-texts navigator |
| བོད་ཡིག |
41b1 par spyod pa kho nar bas te/ tshangs par spyod pa ma mchis so/ /des 'di skad ces smras so/ /sring mo tshangs par spyod pa la gnas par bya ba'i legs par gsungs pa'i chos 'dul ba la rab tu 'byung ngam/ de skad ces smras
41b2 pa dang / ser skya'i bu mo bzang mos tshe dang ldan pa 'od srung chen po la 'di skad ces smras so/ /rje'i sras khyed la yang rgyas gtod pa med grang / re shig na tshe dang ldan pa 'od srung chen pos dgongs par brtsams na nyes par bshad pa'i
41b3 chos can/ nyes pa'i chos can de rnams kyi dam pa ma yin pa'i chos la sbyar bar mthong ste/ des byung ba de lta bu rig nas ser skya'i bu mo bzang mo la 'di skad ces smras so/ /sring mo ma 'jigs shig /bcom ldan 'das kyi
41b4 bstan pa ni dri nga ba med pa dang / sdig pa med pa yin no/ /de'i nyan thos rnams ni lha'i 'dod pa rnams kyang don du mi gnyer na mi rnams kyi lta smos kyang ci dgos pa yin no/ /des de skye dgu'i bdag mo chen mo la yongs su
41b5 gtad nas des de rab tu phyung bsnyen par rdzogs par byas so/ /de bsod snyoms kyi phyir zhugs pa na/ g.yon can dang / 'phyon ma dang / zol ba dag gzugs 'di lta bur sdug pa yongs su longs spyod pa med par dga' bar byed
41b6 do zhes kha zer ro/ /de nas dus gzhan zhig na tshe dang ldan pa 'od srung chen po snga dro sham thabs bgos chos gos dang lhung bzed thogs te rgyal po'i khab tu bsod snyoms kyi phyir zhugs so/ /ser skya'i bu mo bzang
41b7 mo yang snga dro sham thabs bgos chos gos dang lhung bzed thogs te rgyal po'i khab tu bsod snyoms kyi phyir zhugs pa dang / tshe dang ldan pa 'od srung chen pos ser skya'i bu mo bzang mo mthong ngo / /mthong nas kyang 'di skad ces
41b8 smras so/ /sring mo ci khyod bcom ldan 'das kyi bstan pa la mngon par dga' 'am/ des smras pa/ bdag cag bcom ldan 'das kyis bstan pa la mngon par dga' ste mngon par mi dga' ba ma mchis so/ /'on kyang bdag
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa