| e-texts navigator |
| བོད་ཡིག |
31a1 bu 'jig rten na 'di ni chos nyid yin pas rigs rgyud kyi phyir bag ma blang bar bya'o/ /des smras pa/ yab bdag la mchis brang cir 'tshal te/ bdag ni dka' thub kyi nags su gnas par bgyi'o/ /pha des de la rigs
31a2 rgyud gtan par bya mod ces yang nas yang du brtun pa dang / de 'di snyam du sems te/ 'o na gang gis na bdag gis yab yum gyi bka' yang ma bcag par 'gyur ba dang / bdag kyang bud med dang bsdus par mi 'gyur ba'i thabs ci yod
31a3 snyam du de ltar bsams nas pha la smras pa/ yab bdag la 'dzam bu'i chu bo'i gser zhig 'tshal lo/ /des dkor ba'i mi bos nas 'di skad ces smras so/ /n+ya gro d+hA skyes 'di la 'dzam bu'i chu bo'i gser ji snyed dgos pa de
31a4 snyed byin cig / dkor ba'i mis 'di skad ces smras so/ /de ltar bgyi'o/ /de nas bram ze'i khye'u n+ya gro d+hA skyes kyis pha las lkog tu mgar ba legs par bslabs pa bos nas 'dzam bu'i chu bo'i gser gyi bud med kyi gzugs
31a5 brnyan byed du bcug nas des de pha la phul te smras pa/ yab 'di lta bu'i gzugs dang 'dra ba'i bu mo zhig gal te rnyed na de bdag gi mchis brang lags kyi de las gzhan pa ni bdag gi mchis brang du dgos pa ma mchis so/ /
31a6 de 'di snyam du sems te/ brtags na bu 'dis ni bdag cag la ma bsams pa lta ste/ gser tha mal pa'i mdog can gyi bu mo yang ga la yod na/ 'dzam bu'i chu bo'i gser las byas pa lta bu lta smos kyang ci dgos snyam
31a7 du de sems khongs su chud cing 'dug pa dang / bram ze'i khye'u de rnams kyis mthong nas de rnams de'i drung du dong ste dris pa/ mkhan po ci'i slad du thugs khongs su chud cing bzhugs/ des de rnams la bu de'i bag ma
31a8 blang ba'i sbyor ba shin du rgya cher smras nas brtags na bus ni bdag la ma bsams pa lta ste/ re shig gser tha mal pa'i mdog can gyi bu mo yang rnyed par dka' ste ga la yod na gtso bo 'dzam bu'i chu bo'i gser las byas pa'i gzugs
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa