| e-texts navigator |
| བོད་ཡིག |
310b1 ha cang rtsengs par gyon pa dang / de dag la dge slong ma rnams kyis smras pa/ khyed cag ci'i phyir sham thabs ha cang rtsengs par gyon/ de dag gis 'di skad ces kho mo cag khyim pa na 'di ltar goms so zhes smras pa nas bcom ldan
310b2 'das kyis bka' stsal pa/ chos gos dang sham thabs ha cang rtsengs par bgo bar mi bya'o/ /de bzhin du sham thabs ha cang 'jol bar yang bgo bar mi bya'o/ /zhes de ltar bslab pa'i gzhi bca' ba mdzad pa dang / de dag sham
310b3 thabs gyon pa na glo dag tu ltebs par byed nas de dag la dge slong ma rnams kyis smras pa/ khyed cag ci'i phyir sham thabs gyon pa na glo dag tu ltebs par byed/ de dag gis 'di skad ces smras so/ /khyim pa mo dag
310b4 'di ltar gyon no/ /de dag la dge slong ma rnams kyis khyed cag khyim pa mo yin nam zhes smras pa'i skabs de dge slong ma rnams kyis bcom ldan 'das la gsol pa dang bcom ldan 'das kyis bka' stsal pa/ sham thabs
310b5 ha cang rtsengs pa ma yin pa dang / ha cang 'jol ba ma yin pa dang / sham thabs dang chos gos zlum por bgo bar bslab par bya'o// //gleng gzhi ni mnyan yod na'o/ /de nas bcu gnyis sde dag chos gos glang po che'i sna ltar
310b6 gyon pa dang / de dag la dge slong ma rnams kyis smras pa/ phu nu mo dag khyed ci'i phyir chos gos glang po che'i sna ltar gyon/ de dag gis 'di skad ces nor can dang / tshong dpon dang / ded dpon dag 'di ltar gyon no zhes
310b7 smras pa nas/ bcom ldan 'das kyis bka' stsal pa/ chos gos dang sham thabs glang po che'i sna ltar ma yin pa dang / lta la'i lo ma ltar bltab pa ma yin pa dang / 'bru'i phur ma ltar ma yin pa dang / sbrul mgo'i
310b8 gdengs ka ltar ma yin pa dang / sbrul mgo'i gdengs ka dgu po ltar ma yin par bgo bar bya'o// //gleng gzhi ni mnyan yod na'o/ /de nas bcu gnyis sde dag phrag pa phyung nas khyim dag tu 'dong ba na de dag la dge slong ma
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa