| e-texts navigator |
| བོད་ཡིག |
310a1 pa dag tu sngar ma bos bzhin du zhes bya ba nas/ 'chos sam zos na thams cad du so sor bshags par bya bar 'gyur ro/ /zhes bya ba'i bar ro gal te thog ma nyid nas bos pa 'am/ bslab pa'i sdom pa bag yangs su
310a2 gnang ba byin pa la ni ltung ba med do/ /so sor bshags par bya ba bcu gcig pa rdzogs so/ /dge slong ma'i 'dul ba rnam par 'byed pa las so sor bshags par bya ba rnams rdzogs s+ho// // da ni bslab pa rnams smra bar bya ste/
310a3 de la bslab pa rnams kyi sngon gyi tshigs su bcad pa ni 'di yin te/ sdom la/ chos gos legs bgo mgo mi g.yog /mchong dang lus ni bsgyur ba dang / /'dug pa dang ni rkang pa dag /tshogs su yang dag bsdus pa yin/ /sangs rgyas
310a4 bcom ldan 'das sgra can gyi drang srong kun 'dzi ka'i 'dug gnas na bzhugs so/ /de nas skye dgu'i bdag mo chen mo gau ta mI shAkya mo skra bregs shing gos ngur smrig bgos pa lnga brgya tsam dang lhan cig sgra can gang na ba der rgyu zhing
310a5 dong ste/ rim gyis rgyu zhing dong ba na sgra can gyi drang srong kun 'dzi ka'i 'dug gnas su lhags so/ /gang gi tshe bcom ldan 'das kyis skye dgu'i bdag mo chen mo gau ta mI la brten nas chos 'dul ba 'di la dge slong ma rnams rab tu
310a6 'byung ba dang / bsnyen par rdzogs par rjes su gnang bar mdzad pa de'i tshe de dag bdag cag gis ji ltar chos gos dag bgo bar bya zhes ma shes pa'i skabs de dge slong ma rnams kyis dge slong dag la smras pa dang / dge slong dag gis
310a7 bcom ldan 'das la gsol to/ /bcom ldan 'das kyis bka' stsal pa/ chos gos ha cang rtsengs pa ma yin pa dang / ha cang 'jol ba ma yin pa zlum por bgo bar bya'o/ /gang gi tshe bcom ldan 'das kyis chos gos
310a8 de ltar bgo bar bya'o zhes gsungs pa de'i tshe/ skye dgu'i bdag mo chen mo la sogs te rang bzhin du gnas pa'i dge slong ma de rnams kyis chos gos dang sham thabs bgos so/ /de nas dus gzhan zhig na dge slong ma bcu gnyis sde dag sham thabs
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa