| e-texts navigator |
| བོད་ཡིག |
306b1 smra bar bya ste/ de la so sor bshags par bya ba rnams kyi sdom gyi tshigs su bcad pa ni 'di yin te/ sdom la/ 'o ma zho dang mar dang ni/ /zhun mar 'bru mar hwags dag dang / /sbrang rtsi nya sha sha dag dang / /sha skam slob pa bskos pa'o// //
306b2 gleng gzhi ni mnyan yod na 'o/ /de'i tshe bcu gnyis sde dag bud med kyi brkam chags kyis gzhan gyi khyim dag nas 'o ma blangs shing longs spyod par byed do/ /de dag 'o ma tshol ba'i rgyus lung nod pa dang / klog pa dang / kha ton byed pa dang /
306b3 rnal 'byor dang / yid la byed pa dang / nang gi sems kyi zhi gnas shor ba dang zhes bya ba nas/ don nyung ba'i dge slong ma dag smod par byed pa'i skabs de bcom ldan 'das la gsol pa dang / bcom ldan 'das kyis
306b4 bka' stsal pa/ bslang bar mi bya'o/ /phyis nyo bar byed pa na nyes pa de nyid du gyur nas bcom ldan 'das kyis bka' stsal pa/ nyo bar mi bya'o/ /nye du dag las slong ba na nyes dmigs de nyid du gyur nas/ bcom ldan 'das kyis bka'
306b5 stsal pa/ bslang bar mi bya'o/ /ji tsam na dge slong ma nad pa zhig yod pa de la sman pas 'o ma sten cig ces bstan pa dang / des 'di skad ces smras so/ /bzhin bzangs kho mo shi zin no/ /sman pas smras pa/ ci'i phyir/ des 'di
306b6 skad ces smras so/ /bcom ldan 'das kyis bkag go/ /sman pas smras pa/ khyod kyi ston pa ni thugs rje can yin pas rjes su gnang bar 'gyur ro/ /zhes smras pa'i skabs de dge slong ma rnams kyis bcom ldan 'das
306b7 la gsol pa dang / bcom ldan 'das kyis bka' stsal pa/ sman pas bstan na nad kyi sman du longs spyad par bya'o/ /de nas sbom dga' mo na yang rung mi na yang rung gzhan gyi khyim dag nas 'o ma bslangs nas longs
306b8 spyod par byed pa'i skabs de bcom ldan 'das la gsol to/ /de nas bcom ldan 'das kyi byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang mi na bar rang gi don du khyim dag
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa