| e-texts navigator |
| བོད་ཡིག |
302a1 byed pa na don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/
302a2 yang dge slong ma gang lag pa sbrel nas khrus byed na ltung byed do/ /yang gang zhes bya ba ni bcu gnyis sde dag go/ /lag pa sbrel nas zhes bya ba ni lag pa sbrel te 'o/ /khrus byed na zhes bya ba la khrus ni gnyis te/ dbang bskur ba'i
302a3 khrus dang / 'jug pa'i khrus las don 'di la ni 'jug pa'i khrus la bya bar dgongs so/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad 'jug pa'i khrus
302a4 la lag pa sbrel nas khrus byed na thams cad du ltung byed du 'gyur ro/ /ltung byed nyi shu bdun pa'i gsum pa rdzogs s+ho// // gleng gzhi ni mnyan yod na'o/ /de'i tshe mnyan yod na dga' sde'i tshogs gnyis
302a5 po gcig ni rgyal rigs kyi dga' sde'o/ /gcig shos ni bram ze'i dga' sde 'o/ /de la rgyal rigs kyi dga' sde ni g.yul la byang ba yin no/ /bram ze'i dga' sde ni gar la byang ba yin no/ /gang gi tshe dga' sde'i tshogs
302a6 gnyis las g.yul 'gyed pas 'gran pa de'i tshe rgyal rigs kyi dga' sde rgyal bar 'gyur la/ gang gi tshe gar gyi tshe ni bram ze'i dga' sde rgyal bar 'gyur ro/ /de nas rgyal rigs kyi dga' sde rnams 'di snyam du sems te/
302a7 bdag cag gis su zhig la gar bslab snyam pa las de dag 'di snyam du sems te/ 'phags ma sbom dga' mo 'di ni shAkya'i rigs las rab tu byung ba bzo'i gnas thams cad dang / las kyi gnas thams cad la byang ba yin no
302a8 snyam du bsams nas/ sbom dga' mo gang na ba der dong ste phyin pa dang / sbom dga' mo la 'di skad ces smras so/ /'phags ma khyod gar la byang ba cung zad mnga' 'am/ des 'di skad ces smras so/ /
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa