rKTs

e-texts navigator

Volume

Page

29b₁ kha ba dang / tsha ba dang / lan tshwa dang / skyur ba dang / mngar ba dang / bska ba dang / snum pa dang / rtsub pa rnam par spangs pa'i kha zas dang btung ba dag gis de la rim gror byed du 'jug go/ /de nas mngal na gnas pa yongs su bskyang ba'i phyir 'di ltar chung ma de gos
29b₂ tshon sna tshogs su spel ba ni bskon/ lag pa ni gser gyi gdu bu dang / nor bu dang / mu tig gis gtams/ do shal dang / se mo do rnam par 'phyang ba dang / gdu bu dang / dpung rgyan dang / rna cha gdub 'khor ni thogs/ mig ni mig sman gyis bris/ bzhin ni dmar
29b₃ rtsi'i thig les mdzes par byas/ so ni me tog ku mu da dang / dngul dang / kha ba dang / mu tig gi do shal dang / me tog kun da dang / zla ba dang / ngang pa dang / ba'i 'o ma dang / dung dang / pad+ma'i rtsa ba ltar dri ma ni med/ rked pa ni gser gyi 'og pag gis bcings/
29b₄ rkang pa ni rkang rgyan gyis mdzes par byas nas gser gyi mchod sdong me tog gis klubs pa lta bu de lha'i bu mo dga' ba'i tshal na rgyu ba bzhin du glu dang rol mo'i sgra byed pa'i rol mo mkhan dang / steng gi khang bzangs kyi thog tu bzhag nas/ khri bo
29b₅ che legs par btsugs pa'i steng na khri nas khrir dang / khri'u nas khri'ur rgyu zhing shod kyi sa gzhir mi 'bab la/ de la 'ga' yang sgra yid du mi 'ong ba 'byin par mi byed do/ /re shig na khyim de nor dang / 'bru dang / gser dang / dbyig dang /
29b₆ mdzod dang / bang ba dang / bran dang / bran mo dang / las byed pa dang / zho shas 'tsho ba dang / rkang gnyis pa dang / rkang bzhi pa la sogs pa dag gis rgyas par 'phel bar gyur te/ ji ltar rgya mtsho chen po chu klung lnga brgya dag gis nyin gcig bzhin 'gengs
29b₇ par byed pa de bzhin du khyim de yang rgyas par gyur to/ /de nas bram ze shing sA la chen po lta bu n+ya gro d+ha 'di snyam du gal te bdag la bu zhig yod na/ ji des ji ltar bram ze phal dag ltar nas tha mal pa thogs nas rgyal po pad ma chen po la
29b₈ rgyal ba spel ba bya 'am/ ma la bdag gis de'i don du gser gyi nas gzhan byed du gzhug go snyam du bsams nas re shig na gser gyi nas byed du bcug go/ /de zla ba brgyad dam dgu 'das te btsas pa las khye'u gzugs bzang ba/

_{iiif viewer powered by OpenSeadragon}

29a - 30a

Texts on this page