rKTs

e-texts navigator

Volume

Page

29a₁ pa shes pa dang gang las mngal du zhugs pa de yang shes pa dang / khye'ur shes shing bu mor shes pa ste/ gal te khye'u yin na dku g.yas par rten cing 'dug la gal te bu mo yin na dku g.yon par rten cing 'dug pa'o/ /bud med des
29a₂ kyang ji ltar bdag gi dku g.yas rol mi bde bas na gor ma chag par bdag gis bu rnyed do snyam du rig nas de dga' zhing mgu la yid rab tu dga' bas khyim thab la smras pa/ rje'i sras khyod la bka' mchid snyan pa zhig gsol lo/ /des 'di
29a₃ skad ces smras so/ /bzang mo lha dang mi'i gtam snyan pa thos par gyur cig /gtam snyan pa ji lta bu zhig ji ltar bdag gi dku g.yas rol mi bde bas na gor ma bkum par bdag gis bu rnyed do/ /de nas bram ze shing sA la chen po lta bu n+ya gro d+ha
29a₄ mgu zhing dga' la yid rab tu dga' ste/ bzhin pad+ma rgyas pa lta bus dga' ba'i tshig 'di skad ces smras so/ /bzang mo khyod kyi bu de bzhin du skye bar shog shig /kho bos kyang bu sdug pa'i ngo mthong ba dang / kho bos yun ring mo zhig nas mngon
29a₅ par 'dod pa'i bu yid la bsams pa bzhin du 'grub pa dang / kho bo dang 'thun par skye zhing mi mthun par mi skye ba dang / kho bo'i bya ba dag byed pa dang / gsos pas phyir gso ba dang / kho bos nor rdzas la spyod pa dang / kho bo'i rigs rgyud kyang yun
29a₆ ring du gnas par 'gyur ba dang / bdag gi dbang phyug kyang nyams par mi 'gyur ba dang / bdag cag shi zhing dus la bab pa na bdag cag gi phyir sbyin pa chung ngam/ chen po dag sbyin zhing bsod nams dag byas nas 'di de gnyis gang du skyes pa
29a₇ der 'gro zhing rjes su 'gro bar gyur cig ces yon bsngo bar byed par shog shig / de la sems can zhugs par rig nas steng gi khang bzangs kyi gzhir gnod pa med par 'dug tu bcug ste/ grang ba na grang ba'i yo byad dag dang / dro ba na dro ba'i
29a₈ yo byad dag dang / sman pas bstan pa'i kha zas dang btung ba'i bye brag ha cang mi bsil ba/ ha cang mi dro ba/ ha cang mi kha ba/ ha cang mi tsha ba/ ha cang lan tshwa mi che ba/ ha cang mi skyur ba/ ha cang mi mngar ba/ ha cang mi bska ba/ ha cang mi snum pa/ ha cang mi rtsub pa/

_{iiif viewer powered by OpenSeadragon}

28b - 29b

Texts on this page