| e-texts navigator |
| བོད་ཡིག |
298b1 bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang dpung par phol mig byung ba skyes pa yang dang yang du 'ching zhing 'grol
298b2 du 'jug na ltung byed do/ /yang gang zhes bya ba ni gtsug dga' mo'o/ /dpung par phol mig byung ba zhes bya ba ni rma zhig go/ /yang dang yang du zhes bya ba ni lan du mar ro/ /skyes pas 'ching zhing 'grol du 'jug na zhes bya
298b3 ba ni khyim pas so/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad rma byung ba skyes pa 'ching du 'jug gam/ 'grol du 'jug na thams cad du
298b4 ltung byed du 'gyur ro/ /gal te rma nyid yin te bu 'am/ ming po 'am/ pha'i dran pa bzhag ste 'ching na ltung ba med do/ /ltung byed nyi shu lnga pa'i dang po rdzogs s+ho// // gleng gzhi ni mnyan yod na 'o/ /
298b5 de nas sbom dga' mos bud med smad 'tshong ma zhig rab tu phyung ngo / /de nas g.yon can dang / nal phrug dang / rgyan po dag smad 'tshong ma de tshol ba na/ de dag gis sbom dga' mos rab tu phyung ngo zhes thos nas de dag
298b6 gis blo skyes pa/ da ni legs pa zhig byas kyi bdag cag gis de'i zan dang gos sbyin mi dgos te/ de lta mod kyi dga' mgur ni spyad par bya'o snyam nas de dag gnas der dong zhing cha ma yin pa'i tshig dag 'byin pa na/ don nyung ba'i
298b7 dge slong ma dag smod par byed pa'i skabs de dge slong ma rnams kyis/ bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang shes
298b8 bzhin du bud med smad 'tshong ma rab tu 'byin na ltung byed do/ /yang dge slong ma gang zhes bya ba ni sbom dga' mo'o/ /shes bzhin du zhes bya ba ni rang gis sam/ gzhan gyis smras par gyur pa'o/ /
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa