| e-texts navigator |
| བོད་ཡིག |
295b1 yang dge slong ma gang skyes pa la rig pa klog tu 'jug na ltung byed do/ /yang gang zhes bya ba ni sbom dga' mo'o/ /skyes pa la zhes bya ba ni mi la'o/ /rig pa zhes bya ba ni rig pa ma yin pa la rig pa'i sgrar gsungs pa'o/ /
295b2 klog tu 'jug na zhes bya ba ni 'don du 'jug pa'o/ /ltung byed de zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad skyes pa la rig pa klog tu 'jug na thams cad du ltung byed
295b3 du 'gyur ro/ /ltung byed nyi shu gsum pa'i bzhi pa rdzogs s+ho// // gleng gzhi ni mnyan yod na'o/ /de nas sbom dga' mos bsod snyoms mang du rnyed pa dang / des bsod pa gang
295b4 yin pa de ni zos/ phye dang 'bras chan la sogs pa ngan pa gang yin pa de ni btsongs so/ /de nas dus gzhan zhig na sbom dga' mo dgos pa 'ga' zhig gi phyir phyi rol du song ba dang / phye nyo ba zhig 'ongs pa nas/
295b5 de skye dgu'i bdag mo chen mo'i drung du song ste/ song nas 'di skad ces smras so/ /'phags ma ji ga phye dag mnga' 'am/ skye dgu'i bdag mo chen mos 'di skad ces smras so/ /bzhin bzangs ci kho mo phye'i tshong khang gis bskor tam/
295b6 de nas mi des 'di skad ces smras so/ /'phags ma dge slong ma dag phye 'tshong lags so/ /des 'di skad ces smras so/ /bzhin bzangs phye 'tshong ba'i dge slong ma de gang yin/ de nas mi des 'di skad ces smras so/ /sbom dga' mo
295b7 lags so/ /skye dgu'i bdag mo chen mo gau ta mIs 'di skad ces de kho nas kho mo cag la yang gnas skabs 'di byung ngo zhes smras pa dang / don nyung ba'i dge slong ma dag smod par byed pa'i skabs de bcom ldan 'das la gsol
295b8 to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang kha zas 'tshong na ltung byed do/ yang gang zhes bya ba ni sbom dga' mo 'o/ /
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa