| e-texts navigator |
| བོད་ཡིག |
290a1 de nas bcu gnyis sde dag khyim bdag gi chung ma rab tu mang po dang lhan cig sgren mor byung nas khrus byed pa dang / de nas sbom dga' mos kho mo'i rmongs kyi tshogs shin tu gnag la legs par 'khyil pa dper na sran ma
290a2 sha'i 'bras bu ltar 'dug pa la ltos zhes ston pa'i skabs de dge slong ma rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na rjes su gnang ste/ dge slong mas khrus ras bcang
290a3 bar bya'o/ /gang gi tshe bcom ldan 'das kyis dge slong ma rnams kyis khrus ras bcang bar bya'o/ /zhes bka' stsal pa de'i tshe sbom dga' mo mi thogs pa dang / don nyung ba'i dge slong ma dag smod par byed pa'i skabs de bcom ldan
290a4 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang khrus ras med par khrus byed na ltung byed do/ /yang gang zhes bya ba ni sbom dga'
290a5 mo'o/ /khrus ras zhes bya ba ni khrus kyi ras te de med par ro/ /khrus byed na zhes bya ba la khrus ni gnyis te/ 'jug pa'i khrus dang dbang bskur ba'i khrus so/ /ltung byed do zhes bya ba ni gong ma bzhin no/ /de lta ltung bar
290a6 ji ltar 'gyur zhe na/ dge slong mas ji tsam cung zad khrus gnyis byed na khrus kyi khrus ras mi 'chang na thams cad du ltung byed du 'gyur ro/ /ltung byed nyi shu gcig pa'i dang po rdzogs s+ho// //
290a7 gleng gzhi ni mnyan yod na'o/ /de nas sbom dga' mos mi gtsang bas gos pa'i gos dag btso blag mkhan 'khrur bcug pa dang / bram ze dang khyim bdag dag bdag cag gi gos
290a8 kyang 'dis ni mi gtsang bar 'gyur ro zhes kha zer bar byed pa'i skabs de dge slong ma rnams kyis/ bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa