| e-texts navigator |
| བོད་ཡིག |
28b1 mtshan mo nam phyed kyi tshe sa srung gi bu dang 'dra bar glang po che'i phrug gu dkar po kha ba'i mdog can mche ba drug pa yan lag bdun legs par gnas pa can du gyur te/ gangs ri'i ngos dang nye ba chu bo gang+gA'i 'gram/ drang srong ser skya'i bsti
28b2 g nas dang ha cang yang mi ring ba zhig na shAkya rnams 'khod pa de na rgyal po zas gtsang zhes bya ba rgyal srid byed du 'jug pa de'i btsun mo sgyu 'phrul chen mo zhes bya ba de'i lhums su nying mtshams sbyor ba blangs nas zla ba bcu tham pa 'das pa dang bltam
28b3 pa nas bla na med pa yang dag par rdzogs pa'i byang chub mngon par 'tshang rgya bar 'gyur zhing / des chos kyi mchod sdong sgreng bar 'gyur/ chos kyi rnga rdung bar 'gyur/ chos kyi mchod sbyin sbyin pa'i bar du 'gyur bas bdag kyang gnas 'di nas 'chi 'phos nas
28b4 dbang chung bar grags pa'i khyim du nying mtshams sbyor ba blangs te nges par byung nas bstan pa la rab tu byung ste bdud rtsi rtogs par bya dgos la/ bram ze phyug po'i khyim du skyes pa ni bu gcig pa'i phyir de dag sus kyang rab tu 'byung du mi ster ro/ /de lta
28b5 bas na bdag la bram ze'i khyim bu skye ba dgos pa med do/ /tshangs pa chen pos 'di skad ces smras so/ /gal te de lta yin na yang 'on kyang ngas gsol ba btab pa bzhin der nying mtshams sbyor ba long shig dang / de'i tshe ngas khyod kyi pha ma gnyis
28b6 la dus dus su bskul bar bya'o/ /de nas des kyang gnang ngo / /de nas lha'i bu bsod nams kyi rnam par smin pas dbang che bar grags pa/ sngon gyi sangs rgyas la dge ba'i rtsa ba bskyed pa/ srid pa tha ma pa/ spyod pa tshol ba/ 'ching ba nyam smad pa
28b7 thar pa'i tshogs bzung ba/ mya ngan las 'das pa la phyogs pa/ 'khor ba las phyir phyogs pa/ srid pa'i 'gro ba thams cad du 'chi 'pho ba dang / skye ba don du mi gnyer ba lus tha ma 'dzin pa de lha'i 'jig rten nas shi 'phos te chung ma de'i mngal du nying mtshams
28b8 sbyor ba blangs so 'di na bud med mkhas pa'i rang bzhin can kha cig shes par bya ba'i gnas lnga rab tu shes te/ skyes pa chags par gyur pa shes shing skyes pa chags pa dang bral ba shes pa dang / dus shes shing zla mtshan shes pa dang / mngal du zhugs
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa