| e-texts navigator |
| བོད་ཡིག |
288a1 de na ri skegs mo rnams la phu nu mo dag khyed mkhris pa'i nad kyis smyos par gyur dang mi rung gis khyed cag gtil la ma za shig ces rjes su bstan nas/ de rang nyid shing rta 'ong ba'i lam kha na til za za ba las shing rta'i
288a2 'khor los mgo bcad par gyur to/ /de nas lha zhig gis de'i tshe tshigs su bcad de smras pa/ gzhan la rjes su ston byed cing / /rang nyid sgrub par mi byed pa/ /brkam chags pa yi rang bzhin can/ /ri skegs mo 'di 'khor los bcom/ /dge slong
288a3 dag ji snyam du sems/ ri skegs mo gang yin pa de ni sbom dga' mo 'di nyid yin te/ de na yang 'di gzhan dag la rjes su ston cing bdag nyid mi sgrub pas tshul bzhin ma yin pas sdug bsngal bar gyur la/ da ltar yang gzhan dag
288a4 la rjes su ston cing bdag nyid mi sgrub pas tshul bzhin ma yin pas sdug bsngal bar gyur to/ /de lta bas na dge slong dag 'di ltar bslab par bya ste/ 'thun pa gang la bdag nyid sgrub pa la gzhan dag kyang rjes su bstan par bya
288a5 ste/ dge slong dag khyed kyis de lta bu la bslab par bya'o/ /ltung byed nyi shu pa'i drug pa rdzogs s+ho// // gleng gzhi ni mnyan yod na'o/ /de na sbom dga' mo la lhan cig gnas pa dang / nye gnas rnams kyis lung bslangs pa dang /
288a6 des 'di skad ces deng la re shig kho mo'i snod du tshos shig /bu ram dang se 'bru dag nyes shig ces smras nas de phan tshun bsgyangs te/ de dag la lung ma byin pa dang / de dag gis 'di skad ces smras so/ /'phags ma khyod chos la ser sna mi
288a7 byed grang / des 'di skad ces kye bu zan mo'i bu mo dag kho mo drug sde rnams la lung gi ched du se'u 'bru'i mnyes pas ni lag pa la ser ka byung / bzod pa gsol bas ni mgo bo byi/ pus mo btsugs nas lung gsol
288a8 bas ni lce gas na kho mo ci'i phyir ser sna mi byed ces smras pa na/ don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa