| e-texts navigator |
| བོད་ཡིག |
282b1 sam zhes smras nas zhes bya ba nas/ khyim bdag des kha byas te song ba dang / don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/
282b2 bslab pa bca' ba'i bar du mdzad de/ yang dge slong ma gang shes bzhin du khyim thab kyis ma gnang bar rab tu 'byin na ltung byed do/ /yang gang zhes bya ba ni sbom dga' mo'o/ /shes bzhin du zhes bya ba ni rang nyid kyis sam gzhan gyis
282b3 smras par gyur pa'o/ /khyim thab kyis shes bya ba ni khyos so/ /ma gnang ba zhes bya ba ni ma btang ba'o/ /rab tu 'byin na zhes bya ba ni chos 'dul ba 'di la'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/
282b4 dge slong mas ji tsam cung zad khyim thab kyis ma gnang ba rab tu 'byin na ltung byed do/ /ltung byed bcwa brgyad pa'i gnyis pa rdzogs s+ho// // gleng gzhi ni mnyan yod na'o/ /de nas sbom dga' mo la dge slong mas smras pa/
282b5 'phags ma bdag bsnyen par rdzogs par mdzad du gsol/ des 'di skad ces gal te kho mo la gos byin na de'i 'og tu khyod bsnyen par rdzogs par bya'o zhes smras pa na don nyung ba'i dge slong ma dag smod par byed pa'i skabs de bcom
282b6 ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang dge slong mas de skad ces smras pa na/ gal te kho mo la gos byin na de'i 'og tu bsnyen
282b7 par rdzogs par bya'o zhes zer na ltung byed do/ /yang gang zhes bya ba ni sbom dga' mo'o/ /dge slong mas de skad ces smras pa na zhes bya ba ni zer na'o/ /gal te kho mo la gos shes bya ba ni bdun po gang yang rung ba'i 'o/ /byin na zhes
282b8 bya ba ni phul na'o/ /de'i 'og tu zhes bya ba ni dus gzhan na'o/ /bsnyen par rdzogs par bya'o zhes bya ba ni dge slong ma'i dngos por ro/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa