| e-texts navigator |
| བོད་ཡིག |
280a1 sems las bstungs te cang mi smra'o/ /de nas sbom dga' mos dge slong ma de la 'di skad ces smras so/ /kho mos khyod don 'di'i phyir rab tu phyung bsnyen par rdzogs par byas na/ da ltar khyod bsam gtan bzhi pa la
280a2 snyoms par zhugs pa bzhin du 'dug gam/ khyod kho mo thab mo byung ba'i grogs gyis shig /des 'di skad ces smras so/ /bdag gis khyim pa mo de dag gi kha na ma tho ba ni shes kyi/ bdag gis dge slong ma 'di dag gi kha na
280a3 ma tho ba ni mi shes so/ /sbom dga' mos 'di skad ces smras so/ /kho mos khyod la de dag gi mtshang bstan gyis re shig skye dgu'i bdag mo chen mo 'di ni rang zhugs yin no/ /ut+pa la'i mdog 'di ni grong khyer chen po drug dag tu smad
280a4 'tshong byas pa yin no/ /gau ta mI skem mo 'di ni bu'i sha zos pa dang / dur du bcug pa sems 'khrugs pa yin no/ /de nas dus gzhan zhig na dge slong ma rnams dang thab mo byung ba na dge slong ma shin tu gtum mo des dge
280a5 slong ma rnams la kha na ma tho ba rab tu bsgrags pas spyo bar brtsams so/ /de nas skye dgu'i bdag mo chen mos dge slong ma shin tu gtum mo de mthong nas 'di skad ces smras so/ /shin tu gtum mo 'di sus rab tu phyung /
280a6 de dag gis 'di skad ces sbom dga' mo lags so zhes smras pa'i skabs de dge slong ma rnams kyis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar
280a7 du mdzad de/ yang dge slong ma gang shes bzhin du bud med gtum mo rab tu 'byin na ltung byed do/ /yang gang zhes bya ba ni sbom dga' mo'o/ /shes bzhin du zhes bya ba ni rang gis sam/ gzhan gyis smras par gyur
280a8 pa'o/ /bud med gtum mo zhes bya ba ni khro ba thab khrol can no/ /rab tu 'byin na zhes bya ba ni chos 'dul ba 'di la'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa