| e-texts navigator |
| བོད་ཡིག |
276b1 'dod chen gyi sdom pa zhes bya ba ni gsol ba dang gnyis kyi las kyis so/ /dge 'dun las 'dod chen gyi 'khor 'jog pa ma gsol bar rab tu 'byin pa 'am/ bsnyen par rdzogs pa 'am/ gnas sbyin pa ci 'dod par byed na
276b2 ste/ ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad 'dod chen gyi sdom pa ma gsol bar 'dod chen gyi 'khor 'jog na thams cad du ltung byed du 'gyur ro/ /
276b3 ltung byed bcu drug pa'i gnyis pa rdzogs s+ho// // gleng gzhi ni mnyan yod na'o/ /de nas sbom dga' mos bud med sbrum ma zhig rab tu phyung ba de bram ze dang / khyim bdag gi chung ma rnams kyis mthong nas
276b4 dge slong ma 'di dag ni 'dren ma 'dren mar tshangs par spyad pa la spyod do zhes kha zer ba'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i
276b5 bar du mdzad de/ yang dge slong ma gang shes bzhin du bud med sbrum ma rab tu 'byin na ltung byed do/ /yang gang zhes bya ba ni sbom dga' mo'o/ /sbrum ma zhes bya ba ni sems can dang ldan pa'o/ /bud med ces bya ba ni bud med
276b6 do/ /rab tu 'byin na zhes bya ba ni chos 'dul ba 'di la'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad bud med sbrum ma rab tu 'byin na thams cad du ltung byed du
276b7 'gyur ro/ /ltung byed bcu drug pa'i gsum pa rdzogs s+ho// // gleng gzhi ni mnyan yod na'o/ /de nas sbom dga' mos rab tu phyung nas slob par mi byed pa dang / de la dge slong ma rnams kyis smras pa/ khyod kyis 'khor
276b8 du bzhag nas ci'i phyir mi bslab/ des smras pa/ 'di nyid du slob grang / gal te mi slob na 'di nyid du slob grang zhes zer ba'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa