| e-texts navigator |
| བོད་ཡིག |
272b1 ma'i dngos por ro/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ yang dge slong mas ji tsam cung zad lo bcu gnyis ma lon par bsnyen par rdzogs par byed na ltung byed do/ /ltung byed bcwa lnga pa'i
272b2 gsum pa rdzogs s+ho/ / // gleng gzhi ni mnyan yod na'o/ /gang gi tshe skyes bu gti mug can 'phags skyes po mi dge ba'i bshes gnyen sdug bsngal gyi ma mo la brten nas shAkya rnams kha btag pa de'i tshe shAkya mo rab tu
272b3 mang po dag khyim thab dang bu'i mya ngan gyis gdungs nas rab tu byung ngo / /gang gi tshe khyim thab dang bu'i mya ngan gyis gdungs nas rab tu byung ba de'i tshe de dag nyon mongs pas ma gdungs so/ /gang gi tshe de dag mya ngan sangs pa de'i tshe de dag nyon
272b4 mongs pas gdungs par gyur to/ /de nas shAkya mo rnams kyis skabs de sbom dga' mo la smras pa dang / sbom dga' mos 'di skad ces kho mo ni da rgas pa'i gnas skabs la bab pas ci byar yod/ khyed cag ni gzugs bzang ba/
272b5 blta na sdug pa/ mdzes pa yin gyis da so sor shes par gyis la nor can nam/ tshong dpon nam/ ded dpon dag dang lhan cig rtse bar gyis shig /dga' bar gyis shig /dga' mgur spyod par gyis shig ces smras so/ /ji tsam
272b6 na gau ta mi skem mo'i drung du song nas/ de dag gis gau ta mi skem mo la sbom dga' mos bstan pa dag rgyas par smras pa dang / des 'di skad ces smras so/ /phu nu mo dag re shig 'jig rten pha rol gyi sdug bsngal lta zhog
272b7 gi/ kho mos 'jig rten 'dir sdug bsngal nyams su myong ba gang yin pa de nyon cig /khyim thab shi ba dang / bu dang bral ba dang / pha dang ma thog gis bsad pa dang / bu'i sha zos pa dang / dur du bcug pa dang / sems
272b8 'khrugs pa dang / sgren mor 'phyan pa ste/ 'di dag dang gzhan yang 'jig rten 'di kho na la sdug bsngal kho na nyams su myong na 'jig rten pha rol lta smos kyang ci dgos/ phu nu mo dag de lta bu ma byed cig ces gau ta mi
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa