| e-texts navigator |
| བོད་ཡིག |
262a1 gcig pu skyes pa cig dang lhan cig bla gab med par dben par 'dug na ltung byed do/ /yang gang zhes bya ba ni sbom dga' mo'o/ /gzhan ni snga ma bzhin no/ /bla gab med par zhes bya ba ni thang la'o/ /dben par 'dug na zhes
262a2 bya ba ni gtam zer zhing ste/ khyad par ni 'di yod do/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong ma ji tsam cung zad skyes pa dang lhan cig bla gab med par 'dug na thams cad du
262a3 ltung byed du 'gyur ro/ /grogs yod na ltung ba med do/ /ltung byed bcu pa'i gsum pa rdzogs s+ho// // de bzhin du sbed ma dang / 'char ka dben pa bla gab med pa na 'dug nas zhes bya ba nas bslab pa bca' ba'i bar du mdzad de/
262a4 yang dge slong ma gang gcig pu dge slong gcig dang lhan cig bla gab med par dben par 'dug na ltung byed do/ /yang gang zhes bya ba ni sbed ma'o/ /dge slong ni 'char ka'o/ /gzhan ni gong nas 'byung ba bzhin no/ /ltung byed do zhes
262a5 bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad ces bya ba snga ma bzhin no/ /grogs yod na ltung ba med do/ /ltung byed bcu pa'i bzhi pa rdzogs s+ho// // gleng gzhi ni mnyan yod
262a6 na'o/ /sbom dga' mos skyes pa zhig la brda byas pa dang / des 'di skad ces smras so/ /'phags ma khyod ni rab tu byung ba lags la/ bdag kyang khyim pa'i nang du dge bsnyen lags te gal te 'ga' zhig gis shes par gyur na
262a7 gnyis ka smod par 'gyur ro/ /des 'di skad ces smras so/ /khyod ji snyam du sems/ dung dang / rnga pa ta ha 'bud cing 'ong dgos sam/ de lta mod kyi dbyar khang gi gnas khang du shog shig /ci tsam na skyes pa de gnas khang du 'ongs so/ /de nas
262a8 sbom dga' mos skyes pa de skyabs yod par khri steng du 'dug tu bcug nas 'di skad ces smras so/ /kho mo mkhan mo'i zhabs bkru ba'i ched du lta zhing 'gro'o zhes smras nas song ngo / /des kyang mkhan mo la zhus nas/ lung yang mnos/ gzhon
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa