| e-texts navigator |
| བོད་ཡིག |
261a1 shis pa dga' bar byed pa yin pas/ de la kho bo de ring bskon pa ras yug po che 'bul na dge slong ma de gang lags/ de nas sbom dga' mos 'di skad ces/ kho mo yin no zhes smras pa dang / des de la ras yug po che cig
261a2 bskon no/ /ji tsam na sbom dga' mo dge slong ma rnams dang lhan cig thab mo byung ba de'i tshe de na re ngan skyugs kyang khyed dang mi mtshungs so zhes smras pa nas/ bcom ldan 'das kyis bka' stsal pa/ ma brtags par dor bar mi bya'o/ /'dor na
261a3 da ltung byed do/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang ma brtags par bshang ba dang / gci ba 'dor na ltung byed do/ /yang gang zhes bya ba ni sbom dga' mo'o/ /
261a4 ma brtags par zhes bya ba ni brtags pa ma byas par ro/ /bshang ba 'am/ gci ba 'dor na zhes bya ba ni 'dor bar byed na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad ma brtags
261a5 par bshang ba 'am/ gci ba 'dor na thams cad du ltung byed du 'gyur ro/ /gal te khang stong ngam rtsig pa ral pa yin na ltung ba med do/ /ltung byed dgu pa'i tshigs su bcad pa'i sdom rdzogs s+ho// // sdom ni/ skyabs yod par ni skyes
261a6 pa dang / dge slong ma dang 'dug mi bya/ /bla gab med par skyes pa dang / /dge slong gnyis ni ma yin dang / /'ba' shig gnas par mi bya'o/ /gleng gzhi ni mnyan yod na'o/ /de nas sbom dga' mo skyes pa dang lhan cig skyabs yod pa na gtam byed pa dang
261a7 bram ze dang / khyim bdag gi chung ma rnams kyis 'di skad ces de ltar brda byas nas mtshan mo nyes par spyad pa spyod par 'gyur ro zhes smras pa na/ don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom
261a8 ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang gcig pu skyes pa dang lhan cig dben pa skyabs yod pa na 'dug na ltung byed do/ /yang gang zhes bya ba ni sbom dga' mo'o/ /
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa