| e-texts navigator |
| བོད་ཡིག |
260a1 gtor zhes bya ba nas don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang
260a2 dge slong ma gang chus 'thor na ltung byed do/ /yang gang zhes bya ba ni chos 'di pa'o/ /'khor gyi gtso bo zhes bya ba ni 'khor gyi mchog go/ /chus 'thor na zhes bya ba ni chus so/ /ltung byed do zhes bya ba ni gong ma bzhin no/ /
260a3 de la ltung bar ji ltar 'gyur zhe na/ dge slong mas ji tsam cung zad 'khor gyi gtso bo la chus gtor na thams cad du ltung byed du 'gyur ro/ /gal te brgyal ba la gdong du chu lcag gis 'thor ba la ni ltung ba med do/ /ltung byed dgu
260a4 pa'i gnyis pa rdzogs s+ho/ / // gleng gzhi ni mnyan yod na'o/ /de nas dbyar khang dang mi ring ba zhig na ne'u bsing sngon po zhig yod pa de na bram ze zhig bram ze'i khye'u lnga brgya la bram ze'i gsang tshig klog tu 'jug go/ /de nas
260a5 bram ze'i khye'u de rnams kyis sbom dga' mo spyod yul du 'jug pa mthong nas tho brtsams so/ /ji tsam na sbom dga' mos 'khru bar 'gyur ba'i sman zos pas de mang du 'khrus nas 'khrus pa de phyags te ne'u bsing sngon po'i
260a6 steng du song nas des 'khru bas ne'u bsing sngon po thams cad sbags so/ /de nas yang bram ze'i khye'u rnams lhags nas 'dug ste/ de dag 'di skad ces kud sa'i bu dag /bad sa'i bu dag /b+ha ra dwa dza'i bu dag ngan skyugs kyi dri
260a7 mnam mo zhes smras pa las/ ji tsam na de dag gi lag pa dang / rkang pa dang / gos rnams ngan skyugs kyis 'bags par gyur to/ /bram ze rnams ni gtsang sbra 'dod pa yin pas de nas bram ze'i bu de rnams yid mi bde zhing 'dug go/ /
260a8 de nas yang sbom dga' mo bsod snyoms las slar log pa na bram ze'i khye'u de rnams yid mi bde zhing 'dug pa mthong nas 'di skad ces smras so/ /kye bram ze'i khye'u dag ci mang du gdon par byas sam/ ji tsam na rgod nas 'di skad ces
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa