| e-texts navigator |
| བོད་ཡིག |
258b1 phyogs su thal mos brgyab pas ji tsam na skrangs par gyur to/ /gang gi tshe 'dod chags zhi bar gyur pa de'i tshe na cho nges 'debs so/ /de nas lhan cig gnas pa dang nye gnas rnams kyis dris pa las des skabs de rgyas par smras pa
258b2 na don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang bud med kyi yul
258b3 la thal mos rdeg na ltung byed do/ /yang gang zhes bya ba ni sbom dga' mo 'o/ /bud med kyi yul la thal mos rdeg na zhes bya ba ni mo mtshan la thal lcag gis brdegs na'o/ /ltung byed do zhes bya ba ni gong ma bzhin no/ /de la ltung bar ji
258b4 ltar 'gyur zhe na/ dge slong mas ji tsam cung zad bud med kyi yul la thal mos rdeg na thams cad du ltung byed du 'gyur ro/ /ltung byed brgyad pa'i tshigs su bcad pa'i sdom rdzogs s+ho// // sdom ni/ rjen pa btso bar mi bya dang / /chus ni
258b5 gtor bar mi bya dang / /sngon por bshang ba mi dor dang / /rtsig pa'i rgyab tu mi dor ba'o/ /gleng gzhi ni mnyan yod na'o/ /grong khyer ba dag ldum ra dang / skyed mos tshal la dga' bas de dag gi kun tu spyod pa ni gang gi tshe skyed mos tshal dag tu
258b6 'dong ba na g.yos mkhan gyis bca' ba 'tshed par byed pa yin pas de dag gis yang g.yos mkhan la sang nang par sngar shog shig ces bsgo ba las/ de ma 'ongs par sbom dga' mo snga dro sham thabs bgos/ chos gos dang lhung bzed blangs te
258b7 bsod snyoms kyi phyir spyod yul du zhugs nas khyim bdag gcig gi khyim du zhugs te 'di skad ces smras so/ /mtshan bzang ma bsod snyoms byin cig /des 'di skad ces smras so/ /'phags ma bdag glo ba mi dga' lags so/ /sbom
258b8 dga' mos 'di skad ces smras so/ /khyod ci ste mi dga'/ des skabs de rgyas par smras pa dang / des 'di skad ces smras so/ /ci'i phyir khyod rang nyid mi 'tshed/ des 'di skad ces smras so/ /bdag gis rngo mi thog lags so/ /de nas
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa