| e-texts navigator |
| བོད་ཡིག |
257a1 kyis bkag go/ /des 'di skad ces smras so/ /khyod kyi ston pa thugs rje can yin pas rjes su gnang bar 'gyur ro zhes bya ba'i skabs de dge slong ma rnams kyis bcom ldan 'das la gsol pa dang / bcom ldan 'das kyis bka' stsal pa/
257a2 sman pa'i lung gis nad pa la ni ltung ba med do zhes bya ba nas sgog skya dang / ki'u la sogs pa kun tu spyad par bya'o/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa sbom dga' mo
257a3 lhag par chags pa'i zil gyis non pas sgog skya'i phyir brdeg pa la gzigs/ bcom ldan 'das kyis bka' stsal pa/ dge slong dag da ltar 'ba' shig ma yin gyi 'on kyang 'das pa'i dus na yang lhag par chags pas tshul ma yin pas sdug
257a4 bsngal bar gyur pa de nyon cig ces bya ba nas grong khyer bA rA Na sir rgyal po tshangs byin zhes bya ba zhig byung ngo zhes bya ba'i bar ro/ /ji tsam na rkun po zhig rgyal po'i pho brang phug pa dang zhes bya ba nas/ bu ku'i sgor dngul skyogs shig brjed de lus pa
257a5 dang / rkun po des slar yang song ste blang ngo snyam nas zhes bya ba nas rgyal po'i bkrabs pa dag gis bzung nas tshul ma yin pas sdug bsngal bar byas so/ /de nas lha zhig gis de'i tshe tshigs su bcad de smras pa/ lhag par chags pas zil non
257a6 na/ /don grub pa yang nyams gyur te/ /phyir don gnyer bar byed pa yin/ /rkun ma'i skyogs ni ji bzhin no/ /dge slong dag gzhan yang lhag par chags pa kho nas rin po che dag las yongs su nyams par gyur pa de nyon cig /dge slong dag sngon byung ba
257a7 grong khyer bA rA Na sI na khyim bdag cig yod pa de zhes bya ba nas de la bu mo zhig btsas pa dang / shi nas ngang pa'i rgyal po rang bzhin gyis skye ba dran pa zhig tu skyes so zhes bya ba'i bar ro/ /ji tsam na de bu mo'i don du nyi ma re re zhing rin po che dag skyel
257a8 bar byed do/ /de nas bu mos bsams pa/ ngang pa'i rgyal po yang bzung la rin po che yang blang ngo snyam pa dang / de bros nas phyin chad mi 'ong bar gyur to/ /ji tsam na lha zhig gis tshigs su bcad de smras pa/ lhag par chags par mi
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa