| e-texts navigator |
| བོད་ཡིག |
255b1 'gyur zhe na/ dge slong mas ji tsam spyad cung zad g.yan pa dgab pa'i gos khru drug las lhag par byed du 'jug na thams cad du bcad nas ltung byed do/ /gang gi mdun du 'chags par byed na zhes bya ba'i bar gong nas 'byung ba bzhin no/ /
255b2 ltung byed bdun pa'i brgyad pa rdzogs s+ho// // gleng gzhi ni mnyan yod na'o/ /gang gi tshe nye dgas bde bar gshegs pa'i chos gos kyi tshad kyi tshad byed du bcug la/ bcom ldan 'das kyis ni bkag pa de'i tshe
255b3 s bom dga' mos kyang nye dga' mthong nas bde bar gshegs pa'i chos gos kyi tshad kyi chos gos byed du bcug nas bgos te dge slong ma'i dbyar khang du song nas des bde bar gshegs pa'i chos gos kyi tshad kha cig ni
255b4 mchan khung du brtul/ kha cig ni phrag pa la gzar/ kha cig ni lus la bgos/ kha cig ni 'jol zhing 'dug pa dang / de la dge slong ma rnams kyis smras pa/ 'phags ma lhung bzed dang chos gos blangs te gang du 'gro/
255b5 des 'di skad ces smras so/ /kho mo lhung bzed dang chos gos blangs te gang du yang mi 'gro 'o/ /de lta mod kyi kho mos bde bar gshegs pa'i chos gos kyi tshad kyi chos gos byed du bcug pa yin no/ /de dag gis 'di skad ces smras so/ /
255b6 phu nu mo bcom ldan 'das kyis dgag pa ma mdzad dam/ des 'di skad ces dge slong rnams la dgag pa mdzad kyi/ dge slong ma rnams la ni ma yin no zhes smras pa dang / don nyung ba'i dge slong ma dag smod par byed pa'i skabs de bcom
255b7 ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang bde bar gshegs pa'i chos gos kyi tshad kyi chos gos byed du 'jug gam bde bar
255b8 gshegs pa'i chos gos las lhag par byed du 'jug na bcad nas ltung byed do/ /de la bde bar gshegs pa'i chos gos kyi tshad ni 'di yin te/ srid du bde bar gshegs pa'i mtho'i mtho bcu'o/ /zheng du mtho drug ste/ de la 'di
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa