| e-texts navigator |
| བོད་ཡིག |
253a1 sde dag go/ /zla ba phyed phyed cing zhes bya ba ni zla ba phyed phyed cing ngo / /so sor thar pa'i mdo gdon pa 'don pa'i tshe zhes bya ba ni phas pham par 'gyur ba brgyad ces bya ba nas/ rtsod pa zhi bar bya ba'i chos bdun zhes bya ba'i bar ro/ /snga ma bzhin du
253a2 brjod par bya'o zhes bya ba ni rim pa bzhin du brjod par bya'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad zla ba phyed phyed cing so sor thar pa'i mdo gdon pa 'don pa'i tshe 'di skad ces chos
253a3 'di yang mdor gtogs par zhes zer na ltung byed do/ /mdor 'dus par zhes zer na ltung byed do/ /gzhi na ma 'dug pa dang / tshogs las gar ba la ni ltung ba med do/ /ltung byed bdun pa'i gsum pa rdzogs s+ho// // gleng gzhi ni mnyan
253a4 yod na'o/ /de'i tshe mnyan yod na gcer bu pa'i nyan thos chos shes bya ba ba so mkhan zhig gnas pa de bsod snyoms pa zhig gis sangs rgyas kyi bstan pa la mngon par dad par byas nas de gnyi ga'i dge 'dun la khab ral dag dbul du bcug go/ /
253a5 de nas bcu gnyis sde rnams kyis ba so dang / rus pa dang / rwa las byas pa'i khab ral dbyibs sna tshogs dag byed du bcug go/ /de rang gi zan zos shing gzhan gyi las byas pas de ring po ma lon par dbul por gyur to/ /de nas mu stegs pa
253a6 rnams kyis lag bzo chos mthong nas 'di skad ces/ lag gzo chos gang gi tshe kho bo cag la mngon par dad par gyur pa de'i tshe 'byor par gyur la/ gang gi tshe shAkya'i sras kyi dge sbyong ma rnams la mngon par dad par gyur pa de'i tshe bkren par gyur to
253a7 zhes smras pa dge slong ma rnams kyis thos so/ /thos nas skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang ba so 'am/ rus pa 'am/
253a8 rwa'i khab ral las sar pa byed du 'jug na bcag nas ltung byed do/ /yang gang zhes bya ba ni bcu gnyis sde dag go/ /ba so 'am zhes bya ba ni ba so nyid do/ /rus pa 'am zhes bya ba ni rus pa nyid do/ /rwa las byas pa zhes bya ba ni rwa
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa