| e-texts navigator |
| བོད་ཡིག |
251a1 lhung bzed blangs te phyi bzhin 'brang ba'i dge slong ma zhig dang lhan cig sbyin bdag gcig gi khyim du song nas des rjes su 'thun pa'i chos bstan pas mngon par dad par byas nas des dge slong ma'i dge 'dun gyi ched du zas dag sbyor du bcug
251a2 go/ /de nas phyi de nyin par dge slong ma'i dge 'dun snga dro sham thabs bgos lhung bzed dang chos gos blangs te khyim bdag de'i bkad sa gang na ba der song nas zhes bya ba nas/ stan bshams pa kho na la 'dug go zhes bya ba'i bar ro/ /dge slong ma
251a3 dga' mo ni bya ba mang zhing bsgrub pa mang bas gaN DI'i dus las yol bar gyur to/ /dge slong ma de rnams kyis khyim bdag de la 'di skad ces smras so/ /khyim bdag khyod dge slong ma'i dge 'dun gyi dus la bab kyis rims shig /des 'di skad
251a4 ces smras so/ /'phags ma dag bdag ni ma 'tshal mod kyi zas la sko bar bgyid pa dga' mo mkhyen to zhes bya ba nas/ don nyung ba'i dge slong ma dag smod par byed pa'i skabs de bcom ldan 'das la gsol pa dang / bcom ldan 'das kyis
251a5 bka' stsal pa/ dge slong ma dag zas snga ma dang zas phyi ma la khyim dag tu rgyu bar mi bya'o/ /de nas zhal ta byed pa dag gam zas bsgrub pa de dag gi dge 'dun gyi bya ba dang dge 'dun gyi bsgrub pa de dag nyams par gyur pa nas/ bcom
251a6 ldan 'das kyis bka' stsal pa/ zas snga ma la khyim gnyis gnyis su zas phyi ma la khyim gsum du'o/ /de nas bcom ldan 'das kyis dge slong ma rnams la bslab par 'dod pa dang zhes bya ba nas/ bslab pa la yo byad
251a7 bsnyungs pa'i bsngags pa gsungs nas 'di skad ces bka' stsal to/ /yang dge slong ma gang zas dang bcas pa'i khyim du mgron du bos la zas snga ma dang zas phyi ma la khyim dag tu khyim bdag 'khod pa la go bar ma byas
251a8 par 'gro na ltung byed do/ /yang gang zhes bya ba ni dga' mo'o zas dang bcas pa zhes bya ba ni ston mo can gyi khyim du 'o/ /khyim dag tu zhes bya ba ni khyim bdag gi khyim dag tu mgron du bos pa'o/ /zas snga ma zhes bya ba ni snga dro'i
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa