rKTs

e-texts navigator

Volume

Page

250b₁ de nas dge slong ma zhig gis khyim bdag gcig gi khyim du lhung bzed dang / chos gos bzhag pa las khyim bdag gi khyim de me shor to zhes dge slong ma des thos nas de 'di snyam du bcom ldan 'das kyis dge slong ma 'khod pa la go bar
250b₂ bya ste 'gro bar bya'o zhes gsungs so snyam nas ji srid du dge slong ma la go bar byed pa de srid du lhung bzed dang / chos gos tshig par gyur pa'i skabs de dge slong ma rnams kyis bcom ldan 'das la gsol to/ /de nas bcom ldan
250b₃ 'das kyis dge slong ma rnams la bslab par 'dod pa dang zhes bya ba nas bslab pa la yo byad bsnyungs pa zhes bya ba'i bar te/ snga ma ni bcas pa yin la 'di ni rjes su gnang ba yin te/ yang nyan thos ma rnams kyis 'dul ba'i bslab pa'i
250b₄ gzhi 'di ltar gdon par bya ste/ yang dge slong ma gang dus ma yin par dge slong ma 'khod pa la go bar ma byas par grong du 'gro na rkyen de lta bu ma gtogs te ltung byed do/ /yang gang zhes bya ba ni chos 'di pa'i dge slong ma'o/ /dus
250b₅ ma yin par zhes bya ba la dus ma yin pa ni gang / dus ni gang zhe na/ phyed yol phan chad nas skya reng ma shar ba'i bar 'di ni dus ma yin pa'o/ /lhag ma ni dus so/ /grong du 'gro na zhes bya ba ni khyim bdag gi khyim rnams su'o/ /ltung byed
250b₆ do zhes bya ba ni gong ma bzhin no/ /de la ltung bar ji ltar 'gyur zhe na/ yang dge slong ma gang zhig dus ma yin pa la dus ma yin par 'du shes pas 'gro na ltung byed do/ /de bzhin du yid gnyis za na ltung byed do/ /dus la dus ma yin
250b₇ pa'i 'du shes kyis 'gro na nyes byas so/ /de bzhin du yid gnyis za na nyes byas so/ /ltung byed drug pa'i tshigs su bcad pa'i sdom rdzogs s+ho// // dge slong ma'i 'dul ba rnam par 'byed pa/ bam po nyi shu gnyis pa/ sdom la/
250b₈ rgyu dang rgyal po'i pho brang dang / /da gdod rus pa sor brgyad dang / /khri'u bdal gding dang g.yan pa dang / /bde bar gshegs pa'i chos gos so/ /gleng gzhi ni mnyan yod na'o/ /de nas dge slong ma dga' mo snga dro sham thabs bgos chos gos dang /

_{iiif viewer powered by OpenSeadragon}

250a - 251a

Texts on this page