| e-texts navigator |
| བོད་ཡིག |
250a1 bcom ldan 'das dge slong ma rnams kyis 'bru'i skyems dang / bcos pa'i skyems kyi bslab pa'i gzhi la ji ltar gzung bar bgyi/ de nas bcom ldan 'das kyis dge slong ma rnams la bslab par 'dod pa dang / bslab
250a2 pa la gus pa dang / bslab pa la yo byad bsnyungs pa'i bsngags pa gsungs nas 'di skad ces bka' stsal to/ /'bru'i chang dang / bcos pa'i chang 'thung na ltung byed do/ /'bru'i chang zhes bya ba ni phabs dang sbyar ba dang / zas dang sbyar ba'o/ /
250a3 bcos pa'i chang zhes bya ba ni dgun chang dang / bu ram chang dang / rdzas gzhan dag sbyar ba'i 'o/ /'thung na zhes bya ba ni lkog mar mid na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas chang
250a4 gi kha dog dang / chang gi dri dang / chang gi ro 'thung ngam/ 'thung du 'jug na ltung byed do/ /bcos pa'i chang 'thung na ltung byed do/ /bsres pa'i chang 'thung na ltung byed do/ /chang gi kha dog na nyes byas so/ chang gi dri na nyes byas so/ /chang gi ro na
250a5 nyes byas so/ /glum za na nyes byas so/ /gal te mdze byung nas yan lag bskud pa dang / kha nad kyi phyir khar blugs te 'dzin pa dang / bskol ba la ni ltung ba med do/ /ltung byed drug pa'i dgu pa rdzogs s+ho// //
250a6 gleng gzhi ni mnyan yod na'o/ /gang gi tshe bcom ldan 'das kyis tshe dang ldan pa 'char ka la brten nas dus ma yin par rgyu ba'i bslab pa'i gzhi bca' ba mdzad pa de'i tshe bcu gnyis sde rnams grong du dus su yang rgyu bar byed/ dus
250a7 ma yin par yang rgyu bar byed pa dang / de dag la dge slong ma rnams kyis smras pa/ phu nu mo dag bcom ldan 'das kyis dus ma yin par rgyu ba'i bslab pa'i gzhi bca' ba ma mdzad dam/ de dag gis 'di skad ces dge slong rnams la
250a8 mdzad kyi/ dge slong ma rnams la ni ma yin no zhes smras pa'i skabs de dge slong ma rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong mas go bar bya ste 'gro bar bya'o/ /
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa