| e-texts navigator |
| བོད་ཡིག |
249b1 bya ba nas don ma go na nyes byas so/ /sgra ma go la don go na ltung byed do/ /ltung byed drug pa'i bdun pa rdzogs s+ho// gleng gzhi ni mnyan yod na'o/ /de'i tshe sbom dga' mo 'khor dang bcas pa sangs rgyas la ma gus chos dang dge 'dun la ma gus pa dang /
249b2 don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ gus par mi byed na ltung byed do/ /gus par mi byed na zhes bya ba
249b3 la/ gus par mi byed pa ni gnyis te/ dge 'dun dang gang zag la'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong ma la khang skyong gis gnas mal long shig ces bsgo ba na mi len na ltung byed do/ /gal
249b4 te chos dang ldan pa'i 'du shes kyis gsol ba 'debs shing de ma blangs pa la ltung ba med do/ /de bzhin du song shig smros shig ces bya ba de lta bu la sogs pa thams cad la ltung byed du 'gyur te/ 'di ni dge 'dun la yin no/ /gang zag gi ni
249b5 mkhan mo dang slob dpon gyis gnas mal long shig ces bsgo ba na mi len na nyes byas so/ /ma song na nyes byas so/ /smras na nyes byas so/ /ma smras na nyes byas te de bzhin du thams cad la nyes byas so/ /gal te chos dang ldan pa'i 'du shes kyis gsol
249b6 ba 'debs pa la ni ltung ba med do/ /ltung byed drug pa'i brgyad pa rdzogs s+ho// // gleng gzhi ni mnyan yod na'o/ /gang gi tshe bcom ldan 'das kyis tshe dang ldan pa legs 'ongs la brten te bag med pa'i gnas myos par 'gyur ba 'bru'i
249b7 chang dang bcos pa'i chang gi bslab pa'i gzhi bca' ba mdzad pa de'i tshe dge slong ma'i dge 'dun dag 'di snyam du sems te/ bdag cag gis bslab pa'i gzhi 'di ji ltar gdon par bya snyam du bsams nas dge slong ma'i dge 'dun bcom
249b8 ldan 'das gang na ba der dong ste lhags pa dang / bcom ldan 'das kyi zhabs la mgo bos phyag byas te phyogs cig tu 'khod do/ /phyogs gcig tu 'khod nas bcom ldan 'das la dge slong ma rab tu mang pos 'di skad ces gsol to/ /
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa