rKTs

e-texts navigator

Volume

Page

243b₁ shing zhe sdang la mi dga' bas gzhi med par dge 'dun lhag mas skur pa 'debs na thams cad du ltung byed du 'gyur ro/ /ltung byed lnga pa'i bcu gcig pa rdzogs s+ho// gleng gzhi ni mnyan yod na'o/ /de'i tshe yul tsam pa'i tha ga pa'i
243b₂ khye'u zhig chung ma blangs nas ring po ma lon par de rang gi chung ma la khros nas slar yang tsam par chas pa na de'i tshe sbom dga' mo lam kha na 'dug pa des khye'u de mthong nas 'di skad ces smras so/ /bzhin bzangs gar 'gro des 'di
243b₃ skad ces smras so/ /tsam par mchi'o/ /de nas sbom dga' mo de dang lhan cig chas pa dang / tha ga pa'i chung ma khang thog na 'dug pa des khyim thab dge slong ma zhig dang 'grogs te 'gron lam du zhugs te song ba mthong ngo / /mthong nas
243b₄ kyang skad chen por kho mo'i khyim thab kyis dge slong ma zhig khrid nas bros so zhes bsgrags pa dang / de nas tha ga pa rab tu mang pos sbom dga' mo brdegs so/ /de nas mig phubs skrangs shing dbyar khang du song ba dang /
243b₅ dge slong ma rnams kyis dris pa las des skabs de rgyas par smras pa na/ don nyung ba'i dge slong ma rnams smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba
243b₆ nas bslab pa bca' ba'i bar du mdzad de/ yang dge slong ma gang bud med med par skyes pa dang lhan cig 'gron lam du zhugs te 'gro na tha na grong bar du yang rung ste ltung byed do/ /yang gang zhes bya ba ni sbom dga' mo'o/ /bud med
243b₇ med par skyes pa dang lhan cig ces bya ba ni gang du bud med med par ro/ /'gron lam du zhugs te 'gro na zhes bya ba ni dgon pa'i lam du 'gro na'o/ /tha na grong bar du yang rung ste zhes bya ba ni grong nas grong du 'gro na'o/ /ltung byed do zhes bya
243b₈ ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad bud med med par skyes pa dang lhan cig grong nas grong bar du 'gro na rgyang grags phyed phyed du song na de la nyes byas so/ /rgyang grangs rgyang grags su

_{iiif viewer powered by OpenSeadragon}

243a - 244a

Texts on this page