| e-texts navigator |
| བོད་ཡིག |
241b1 ltung byed do zhes bya ba'i bar ro/ /dge slong mas ji tsam cung zad skyes pa dang lhan cig gnas gcig tu nyal bar byed na thams cad du ltung byed du 'gyur ro/ /ltung byed lnga pa'i brgyad pa rdzogs s+ho// //dge slong ma'i 'dul ba rnam par
241b2 'byed pa/ bam po nyi shu gcig pa/ gleng gzhi ni mnyan yod na'o/ /de'i tshe sbom dga' mo dgod pa'i bsam pas mi sdug cing mi sdug pa dag gis/ dge slong ma gzhon nu rnams la sngangs par byed/ sngangs su 'jug par byed
241b3 pa dang / don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang
241b4 dge slong ma rnams la sngangs par byed dam/ sngangs par byed du 'jug na tha na bzhad bgad kyi bsam pas kyang rung ste ltung byed do/ /yang dge slong ma gang zhes bya ba ni sbom dga' mo'o/ /sngangs par byed dam zhes bya ba ni rang gis
241b5 so/ /sngangs par byed du 'jug na zhes bya ba ni gzhan no/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ yang dge slong ma gang zhig dge slong ma rnams la sngangs par bya ba'i bsam pas mi
241b6 sdug cing mi sdug pa dag nye bar dong zhing / gnag cing gnag pa sol ba'i kha dog 'dra ba yid du mi 'ong ba 'di lta ste/ sdong dum tshig pa 'dra ba dag nye bar dong nas 'di skad ces gzugs 'di 'dra ba dag gi gnod sbyin dang /
241b7 yi dags dang / sha za dang / 'byung po dang / grul bum dang / lus srul po dang / srul po rnams khyod kyi drung du 'ongs nas de dag gis gsod par 'gyur/ srog dang phral bar 'gyur ro zhes smras na/ dge slong ma sngangs par gyur
241b8 kyang rung ma gyur kyang rung ltung byed du 'gyur ro/ /de bzhin du sgra 'byin par byed pa 'di lta ste/ seng+ge dang stag dang / spyang ki rnams kyi dang / de bzhin du yi dags dang / sha za rnams kyi sgra sna tshogs dag ces bya ba nas
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa