| e-texts navigator |
| བོད་ཡིག |
240b1 byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ chu la rtse na ltung byed do/ /chu la zhes bya ba ni dge slong mas rtse ba'i bsam pa
240b2 can gyi ngag dang / tshig dang zhes bya ba nas ngag gi rnam par rig byed ces bya ba'i bar gang yin pa'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ gzhi dgu las te/ dge slong mas chur rtse ba'i bsam
240b3 pas chur 'jug par 'dod pa dang / ras kyis 'ching ba dang / chur 'jug pa dang / byi'u zul byed na ltung byed do/ /de bzhin du steng du 'byung bar byed pa dang / tshu rol gyi 'gram nas pha rol gyi 'gram du 'gro ba dang / rgyun phyogs nas
240b4 bzlog phyogs su rtsol bar byed na thams cad du ltung byed du 'gyur ro/ /chu la rnga'i sgra 'byin na ltung byed do/ /de bzhin du chu la rdza rnga/ kha gcig pa'i bar gyi sgra 'byin na thams cad du ltung byed du 'gyur ro/ /
240b5 dge slong mas chu phan tshun du 'thor bar byed na ltung byed do/ /dge slong mas chu la dga' bar byed na ltung byed do/ /dga' bar byed du 'jug na ltung byed do/ /de bzhin du rtse ba dang / rtser 'jug pa dang /
240b6 mgu bar byed pa dang / mgu bar byed du 'jug na thams cad du ltung byed du 'gyur ro/ /de bzhin du rgod pa dang / 'phyar g.yeng gis lus kyis snyoms par byed na thams cad du ltung byed du 'gyur ro/ /tha na bum pa'i chu la
240b7 sor mo'i bam tol gyis rdeg na yang nyes byas so/ /de bzhin du chu snod dang / sha khu dang / 'bras khu dang / thug pa yang ngo / /nad pas rtse ba'i bsam pas thug pa 'am/ sha khu la bam tol gyis rdeg pa la ni ltung ba
240b8 med do/ /ltung byed lnga pa'i bdun pa rdzogs s+ho// // gleng gzhi ni mnyan yod na'o/ /gang gi tshe bcom ldan 'das kyis tshe dang ldan pa ma 'gags pa la brten te bud med dang gnas gcig tu nyal ba'i bslab pa'i gzhi bca' ba mdzad
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa