| e-texts navigator |
| བོད་ཡིག |
237b1 zla ba dang po dang / zla ba phyed dang gsum po de dag ni tsha ba'i dus so/ /lhag ma ni na ba dus so/ /las dus so/ /lam dus so/ /rlung dus so/ /char dus so/ /rdzi char dus te/ de la de ni dus yin no/ /zla ba phyed cing zhes bya ba ni zla ba'i ngo phyed cing
237b2 ngo / /khrus shes bya ba la khrus ni rnam pa gnyis te/ dbang bskur ba'i khrus dang / 'jug pa'i khrus so/ /dus ma gtogs te zhes bya ba ni dus bzhag ste'o/ /de la de ni dus yin no zhes bya ba ni so ka rnams kyi lhag ma zla ba phyed dang gnyis
237b3 dang / dbyar rnams kyi dang po zhes bya ba ni thog ma'i zla ba ste dbyar zla ra ba dang / zla ba phyed dang gsum po 'di dag ni tsha ba'i dus so/ /lhag ma ni na ba dus so/ /zhes bya ba ni khrus ma byas na na bar 'gyur ba'o/ /las dus so zhes byas te
237b4 khrus bya'o zhes bya ba ni las dag byas pas de dag dub par gyur pa'o/ /lam dus so zhes byas te khrus bya'o zhes bya ba ni dpag tshad phyed dam dpag tshad gcig gi lam nas 'ongs pas de dag dub par gyur pa'o/ /rlung dus so
237b5 zhes byas te khrus bya'o zhes bya ba ni rlung gis dkrugs par gyur pa ste/ tha na chos gos kyi gra tsam rlung gis bsgul bar gyur pa'o/ /char dus so zhes byas te khrus bya'o zhes bya ba ni char gyi thigs pa gnyis sam/
237b6 gsum lus la bab par gyur pa ni char gyi dus yin no/ /rdzi char dus so zhes byas te/ khrus bya'o zhes bya ba ni de rlung gis kyang bsgul la char gyi thigs pa gnyis sam gsum yang lus la bab par gyur pa'o/ /ltung byed
237b7 do zhes bya ba ni gong ma bzhin no/ /de la ltung ba ji ltar 'gyur zhe na/ dge slong mas dbang bskur ba'i khrus kyis khrus byed na/ des dus byin gyis brlab par bya'o/ /byin gyis ma brlabs na ji srid du chus lte bar son gyi bar du ni
237b8 nyes byas so/ /chu lte ba las 'das na ltung byed do/ /dge slong mas 'jug pa'i khrus kyis khrus byed na des dus byin gyis brlab par bya'o/ /byin gyis ma brlabs na ji srid du chu lte bar son gyi bar du nyes byas so/ /chu lte ba las
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa