| e-texts navigator |
| བོད་ཡིག |
233a1 ma dang / rgyal ma 'di gnyis la sdig pa can gyi lta ba'i rnam par song ba 'di lta bu 'di byung ste ji ltar bcom ldan 'das kyis 'dod pa dag ni bar du gcod pa yin no zhes gsungs pa gang yin pa de la so sor
233a2 bsten kyang bar du gcod par mi 'gyur ba de ltar kho mo cag gis bcom ldan 'das kyis chos bstan pa shes so zhes mchi nas/ dge tshul ma mdzes ma dang / rgyal ma gnyis la dge slong ma rab tu mang pos bzhams nas bsgo ste
233a3 de gnyis la bzhams nas bsgo ba na zhes bya ba nas 'di nyid bden gyi gzhan ni gti mug go zhes bya ba'i bar ro/ /de gnyis la dge 'dun gyis gsol ba dang bzhi'i las kyi bsgo ste/ de gnyis la gsol ba dang bzhi'i las kyis bsgo
233a4 ba na/ 'di nyid bden gyi gzhan ni gti mug go zhes bya ba'i bar du mchi nas 'phags ma'i dge 'dun gyis dge tshul ma mdzes ma dang / rgyal ma sdig pa can gyi lta bar song ba de gtong du mi btub pa de gnyis la bsnyil ba'i phrin las mdzad pa
233a5 gang dag bzod pa de dag ni cang ma gsung shig / gang dag mi bzod pa de dag ni gsungs shig /'di ni las brjod pa dang po yin no/ /de'i 'og tu de gnyis la bsgo bar bya ste/ gal te gtong na de lta na legs/ gal te mi gtong na
233a6 lan gnyis su yang don de nyid brjod par bya'o/ /'phags ma'i dge 'dun phu nu mo dag bdag la gsan du gsol zhes bya ba nas lan gnyis pa nyid brjod par byas nas yang bsgo bar bya ste/ gal te gtong na de lta na legs gal te mi gtong na lan gsum du yang don de
233a7 nyid brjod par bya'o/ /'phags ma'i dge 'dun phu nu mo dag bdag la gsan du gsol zhes bya ba nas/ 'phags ma'i dge 'dun gyis dge tshul ma mdzes ma dang / rgyal ma sdig pa can gyi lta bar song ba de gtong du mi btub pa la bsnyil
233a8 ba'i phrin las mdzad par 'phags ma'i dge 'dun gyis bzod cing gnang nas/ 'di ltar cang mi gsungs pas de de bzhin du 'dzin to/ /de nas dge tshul ma de gnyis ngu zhing mkhan mo'i drung du dong ste phyin nas mkhan mo la 'di skad ces smras so/ /
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa