rKTs

e-texts navigator

Volume

Page

227a₁ bsnyen par ma rdzogs pa dang lhan cig thams cad du gnas par mi bya'o/ /gnas na ltung byed do/ /yang dge tshul sgra gcan zin la brten nas nub gnyis tshun chad rjes su gnang ngo / /de nas bcu gnyis sde rnams kyis 'di
227a₂ skad ces gang du nub gnyis yin pa de la ni gsum du 'gyur 'dad cig / gang du gsum yin pa de la ni bzhir 'gyur 'dad cig ces smra ba'i skabs de dge slong ma rnams kyis bcom ldan 'das la gsol to/ /de nas bcom ldan 'das
227a₃ kyis bka' stsal pa/ gnas par mi bya'o/ /gnas na ltung byed do/ /de nas dge slong ma de rnams kyis dge tshul ma dag dge tshul gyi kun dga' ra ba'i phyi rol du byung ba na de dag mi sbed cing ma bsrungs par gyur pa'i skabs de bcom ldan
227a₄ 'das la gsol pa dang / bcom ldan 'das kyis bka' stsal pa/ dge 'dun gyi kun dga' ra ba'i phyi rol du dbyung bar mi bya'o/ /de lta mod kyi gzhi spang bar bya'o/ /de ltar byas pa dang / dge slong ma zhig gis dge tshul ma nad pa zhig yod
227a₅ pa de la kha zas tsam byin nas bdag gi lag pas byin len ma byas par ma gyur grang zhes slar yang reg par mi byed pa dang zhes bya ba nas/ bcom ldan 'das kyis bka' stsal pa/ rang gi lag gis bsnyod par bya ste de la 'gyod
227a₆ par mi bya'o/ /de nas dge tshul ma nad pa de dag zas kyi dus su 'dug par gyur pa na dge slong ma de dag rten par mi byed pa nas/ bcom ldan 'das kyis bka' stsal pa/ stan gcig tu 'dug la brten par bya ste de la 'gyod par mi bya'o/ /de nas yang
227a₇ nub mor gyur pa na dge tshul ma de dag bor te dong ba dang / nad pa de yang nub mo skom slong ba dang zhes bya ba nas/ bcom ldan 'das kyis bka' stsal pa/ de kho nar lhan cig gnas par bya ste de la 'gyod par mi bya'o/ /de bzhin du
227a₈ dge slong ma na na yang der dge tshul ma 'am/ nad g.yog dag gnas par bya zhing snang ba dang bcas par yang gnas par bya ste de la 'gyod par mi bya'o/ /de nas bcom ldan 'das kyis dge slong ma rnams bslab pa 'dod pa dang / bslab pa la gus pa dang /

_{iiif viewer powered by OpenSeadragon}

226b - 227b

Texts on this page