| e-texts navigator |
| བོད་ཡིག |
222b1 smras so/ /khyim gyi bya ba dag legs par sbos shig /des legs par sbas nas 'char ka dang rgyal po'i khab tu song ste dbyar gnas so/ /de nas sbed ma rgyal byed kyi tshal du song ba dang nye dgas 'di skad ces smras so/ /dgos pa ci zhig
222b2 la 'ongs/ de nas sbed mas 'di skad ces smras so/ /rab tu byung ngo / /nye dgas 'di skad ces smras so/ /'char ka ni yul ko sa la'i spu gri rtul bas yul ma ga d+har spu gri'i phyir song ngo / /de nas sbed ma de bdag rab tu yang ma
222b3 byung la khyim na gnas par yang ma gyur to snyam du sems khongs su chud cing 'dug pa dang / dge slong ma 'chag pa gzhan zhig gis sbed ma skye dgu'i bdag mo la gtad nas zhes bya ba nas/ rab tu phyung ngo zhes bya ba'i bar
222b4 ro/ /de nas 'char ka dbyar gyi zla ba gsum po dag 'das nas mnyan yod du phyin pa dang / sbed mas 'char ka 'ongs so zhes thos nas/ de nas dge slong ma sbed ma 'char ka gang na ba der song ste son pa dang gnas khang gi sgo la
222b5 brdegs so/ /de nas 'char kas 'di su zhig ces dris so/ /des 'di skad ces smras so/ /bdag sbed ma lags so/ /de nas 'char kas 'di skad ces smras so/ /khyim bdag gi chung ma nang du zhugs shig /
222b6 des 'di skad ces smras so/ /bdag khyim bdag gi mchis brang ma lags te/ bdag rab tu byung ba lags so/ /des khyod sus gnang na 'di ltar khyed rab tu byung zhes spyos pa dang / de nas sbed mas 'char ka la
222b7 bzod pa gsol to/ /de nas de'i 'og tu 'char kas sbed ma la chos bshad par brtsams pa dang / ji tsam na kun du chags par gyur to/ /bcom ldan 'das kyis bud med mkhas pa'i rang bzhin can ni skyes pa chags
222b8 pa shes so zhes gsungs pa yin pas ji tsam na 'phrigs nas gci ba'i brda' byas te bros so/ /'char ka yang rkang pa'i sgra la mkhas pa yin pas rig nas phyi bzhin brgyugs pa dang / de'i brla la reg pas smad g.yogs gsher to/ /sbed mas
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa