rKTs

e-texts navigator

Volume

Page

221b₁ nub gnyis dang / /bar chad dang ni shes bzhin dang / /dge tshul ma gnyis kha dog bsgyur/ /gleng gzhi ni mnyan yod na'o/ /de'i tshe sbom dga' mo dge slong ma rnams dang lhan cig thab mo dang mtshang 'dru bar byed do/ /bud med ni rang bzhin gyis khro
221b₂ ba yin pas de rang bzhin gyis khros pas khros 'khrugs rngam par gyur nas dge slong ma rnams la ltag dbyug dang / thal lcag gis brdegs pa dang / don nyung ba'i dge slong ma rnams smod par byed pa'i skabs de bcom
221b₃ ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang khros 'khrugs rngam par gyur te yid ma rangs nas dge slong ma la
221b₄ rdeg na ltung byed do/ /yang dge slong ma gang zhes bya ba ni sbom dga' mo'o/ /khros zhes bya ba ni kun nas dkris pa'o/ /'khrugs rngam par gyur te zhes bya ba ni lhag par zhen nas so/ /yid ma rangs nas zhes bya ba ni yid mi bde
221b₅ ba skyes pa'o/ /dge slong ma la zhes bya ba ni chos 'di pa la'o/ /rdeg na zhes bya ba ni sor mo lngas rdeg na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ yang dge slong ma gang khros nas dge slong ma rnams la
221b₆ sor mo gcig gis brdegs na ltung byed du 'gyur ro/ /de bzhin sor mo lngas brdegs na ltung byed lnga'o/ /de bzhin du lag pa dang / mdzub mo dang / mgo bo dang / ltag pa dang / lus dang / gru mo dang / brla dang / byin pa dang / rkang pa dang /
221b₇ rkang pa'i mthe bos brdegs na thams cad du ltung byed du 'gyur ro/ /de bzhin du dbyug pa dang / gseg ma dang / bod pa la sogs pas brdegs na thams cad du ltung byed du 'gyur ro/ /gal te phyags mas brdegs na phyags ma'i nyag ma ji
221b₈ snyed phog pa de snyed kyi ltung byed do/ /ji snyed ma phog pa de snyed ni nyes byas so/ /de bzhin du mon sran sde'u'i spar bas brdegs na mon sran sde'u'i 'bru ji snyed lus la phog pa de snyed kyi ltung byed do/ /ji snyed ma phog pa de snyed kyi nyes byas so/ /

_{iiif viewer powered by OpenSeadragon}

221a - 222a

Texts on this page