| e-texts navigator |
| བོད་ཡིག |
214a1 pa'i dge slong ma rnams kyis 'di skad ces smras so/ /kye phu nu mo dag bcom ldan 'das kyis 'dug gnas kyi bslab pa'i gzhi bca' ba ma mdzad dam/ de dag gis 'di skad ces bcom ldan 'das kyis bcas pa de ni dge slong rnams kyi yin gyi dge
214a2 slong ma rnams kyi ma yin no zhes smras pa dang / don nyung ba'i dge slong ma rnams smod par byed pa'i skabs de dge slong ma rnams kyis dge slong dag la smras pa dang / dge slong dag gis bcom ldan 'das la gsol to/ /de nas bcom ldan 'das
214a3 kyis byung ba 'di dang zhes bya ba nas/ bslab pa bca' ba'i bar du mdzad do/ /dge slong ma gang yin par 'dug gnas gcig na 'dug pas bsod snyoms lan cig bza' bar bya ste/ de las lhag par za na ltung byed do/ /
214a4 'dug gnas gcig tu nyal na zhes bya ba ni mu stegs can gyi gnas su nyal na'o/ /dge slong ma gang zhes bya ba ni bcu gnyis sde dag go/ /mi na bar zhes bya ba ni na ba ma gtogs pa'o/ /bsod snyoms lan gcig bza' bar bya ste/
214a5 zhes bya ba ni phyi ma shos ma yin pa'o/ /de las lhag par zhes bya ba ni de las 'das par ro/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad 'dug gnas su
214a6 gnas sam/ 'dug gnas su za ba na gnas pa de la nyes byas so/ /za na ltung byed do/ /'dug gnas su gnas shing gzhan du za na 'dug gnas su gnas pa na de la nyes byas so/ /gzhan du za na ltung ba
214a7 med do/ /'dug gnas su za la gzhan du gnas par byed na 'dug gnas su za bar byed na de la ltung byed do/ /gzhan du gnas par byed pa la ltung ba med do/ /gzhan du gnas par byed cing gzhan du za na gnyi ga la
214a8 ltung ba med do/ /ltung byed gnyis pa'i bcu pa rdzogs s+ho// // sdom ni/ 'khur ba 'dus dang dus min dang / /gsog 'jog ma byin lnga pa yin/ /srog chags bcas pa dag dang ni/ /nyal po byed par shom
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa