| e-texts navigator |
| བོད་ཡིག |
212a1 rdol bar byas te/ khri'i rkang pa ltung bas de'i 'og na dge slong ma zhig yod pa'i mgo bo brtol ba dang / don nyung ba'i dge slong ma de dag smod par byed pa'i skabs de dge slong ma rnams kyis dge slong dag la smras pa dang / dge slong
212a2 dag gis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang steng gi yang thog tu khri 'am/ khri'u rtsa ba 'byung ba la ljid kyis
212a3 mnan te nyal lam 'dug na ltung byed do/ /yang dge slong ma gang zhes bya ba ni sbom dga' mo'o/ /dge 'dun gyis zhes bya ba ni de bzhin gshegs pa'i nyan thos ma'i dge 'dun gyi'o/ /gtsug lag khang zhes bya ba ni gang du
212a4 spyod lam bzhi shong ba'o/ /steng gi zhes bya ba ni khang thog gi steng ngo / /yang thog ces bya ba ni gnas khang ngo / /rtsa ba 'byung ba la zhes bya ba ni rkang pa 'byung ba'o/ /'dug gam zhes bya ba ni 'dug par byed pa'o/ /
212a5 nyal lam zhes bya ba ni lus snyol bar byed pa'o/ /de la ltung bar ji ltar 'gyur zhe na/ dge slong mas ji tsam cung zad steng gi khang thog gi yang thog tu khri 'am/ khri'u 'i rtsa ba 'byung ba la 'dug gam nyal na thams cad du
212a6 ltung byed du gyur ro/ /gal te so phag gis g.yogs pa 'am/ spang leb kyis g.yogs pa 'am/ dral bu 'am/ shing leb bam/ shing leb chung dus g.yog pa 'am/ zhal zhal byas pa 'am/
212a7 rkang rten bcug pa la ni ltung ba med do/ /ltung byed gnyis pa'i bdun pa rdzogs s+ho// // gleng gzhi ni mnyan yod na'o/ /de tshe sbom dga' mo srog chags dang bcas pa'i chus rtswa la 'debs par byed sa
212a8 dang lci ba la yang 'debs par byed nas/ de la dge slong ma rnams kyis smras pa/ phu nu mo srog chags dang bcas pa'i chus rtswa 'am lci ba la ma 'debs shig /des 'di skad ces ci kho mo la bgrangs te/ gtad dam/
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa