| e-texts navigator |
| བོད་ཡིག |
210b1 bcom ldan 'das kyis bka' stsal pa/ mdom bzhi bcu rtsa dgu ste/ phan phun du gyur na ltung byed do/ /phan phun du ma gyur na nyes byas so/ /nye bar 'khor gyis zhus pa/ gding ba la phan phun du 'gyur ba du mchis/ nye bar 'khor gnyis te/
210b2 rlung gis phan phun du 'gyur ba dang / srin gyis phan phun du 'gyur ba'o/ /rlung gis phan phun du 'gyur ba gang zhe na/ rlung gis gding ba rim gnyis bzlog par gyur pa ste ltung byed du 'gyur ro/ /ma bzlog na nyes byas te 'di ni rlung gis
210b3 phan phun du gyur pa zhes bya'o/ /srin gyi phan phun du gyur pa gang zhe na/ gal te srin rnams kyis gding ba rim gnyis glongs par gyur pa ste glongs na ltung byed do/ /ma glongs na nyes byas so/ /lam du dong ba na dran na nyes byas
210b4 zhes bya ba nas/ gnas mal la ji lta ba bzhin du rgyas par sbyar bar bya'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ gang yang dge slong mas dge 'dun gyi gtsug lag khang du rtswa'i
210b5 gding ba 'am/ lo ma'i gding ba bting ngam/ 'ding du bcug nas ma bsdus sam/ sdud du ma bcug par de ji srid du nyen kor spangs na thams cad du ltung byed du 'gyur ro/ /yang dge slong ma gang zhig dge 'dun gyi
210b6 gtsug lag khang du rtswa'i gding ba 'am/ lo ma'i gding ba bla gab med par bting ngam/ 'ding du bcug nas gtsug lag khang du zhugs te dran pa nye bar ma bzhag pa nye bar gzhag pa dang / sems mnyam par ma bzhag
210b7 pa mnyam par gzhag pa dang / sems rnam par ma grol ba rnam par grol bar bya'o zhes nang du yang dag gzhag la thun dang po phyed khor na byung la phan phun du gyur na ltung byed do/ /phan phun du ma gyur na nyes byas
210b8 so/ /nyi ma nub ka na zhes bya ba nas phan phun du gyur na ltung byed do/ /phan phun du ma gyur na nyes byas so zhes bya ba'i bar gnas mal la ji lta ba bzhin du rgyas par sbyar bar bya'o/ /lam kar gnas mal bting ba la nyal ba
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa