| e-texts navigator |
| བོད་ཡིག |
206b1 byed cing bsgo ba gcog pa'i bsam pas yin na ltung byed du 'gyur ro/ /dge slong ma dge slong ma'i drung du song nas 'di skad ces khyod kyis lam 'di nas khyim pa mo thams cad sngo ba 'am/ thams cad ser ba 'am/ thams cad dmar ba 'am/
206b2 thams cad dkar ba dgos pas 'gro ba mthong ngam zhes 'dri ba na de 'di skad ces kho mos khyim pa mo rkang gis 'gro ba zhig mthong ngo zhes zer te/ gzhan dris na lan gzhan ldon par byed cing bsgo ba gcog pa'i bsam pas yin na
206b3 ltung byed du 'gyur ro/ /gal te gshed ma'i drung nas bros pa zhig gshed mas rjes thogs la de dge slong ma'i drung du song nas 'di skad ces 'phags ma khyod kyis lam 'di nas gsad pa zhig bros pa gzigs sam zhes dris na
206b4 des de la gsod pa'i gshed ma la rigs pas brjod par bya ste/ gal te tsha ba'i dus yin na bzhin bzangs re shig yud tsam zhig ngal so shig /re shig chu grang mo dag 'thung shig ces bsil yab dag gis g.yab par bya'o/ /
206b5 gal te grang ba'i dus yin na/ 'di skad ces bzhin bzangs re shig bsro khang du zhugs shig /yud tsam zhig gnas dron por ngal so zhig ces brjod par bya'o/ /gal te gshed ma de 'di skad ces bdag rings kyis thong shig
206b6 ces zer na de la 'di skad ces nam mkha' la bltas te/ nam mkha' mthong ngo zhes brjod par bya'o/ /de bzhin du sen mo la bltas te sen mo mthong ngo zhes brjod par bya'o/ /gal te gshed ma zin po zhig ste/ 'di skad ces bdag
206b7 rnam pa 'di dag mi 'dri'o/ /bdag ni gsad pa 'dri'o zhes zer na dge slong ma des 'du byed thams cad stong pa nyid du lhag par mos par byas la cung zad kyang mthong ba med do zhes brjod par bya'o/ /dge slong ma dge slong ma'i drung du
206b8 song ste de skad ces 'dri ba la gal te dge slong mas cang mi smra bas gcog na ltung byed du 'gyur ro/ /gal te na ba'i sman khar bcug par gyur pa 'am/ kha'i nad kyis thebs pa la ltung ba med do/ /ltung byed gnyis pa'i gsum
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa