| e-texts navigator |
| བོད་ཡིག |
204b1 nas ji srid ma bton pa de srid du nyes byas so/ /bton na ltung byed do/ /rtsa ba med pa'i sa bon gyi khams 'byin na nyes byas so/ /nya tshang dang / pha ba lgo lgo dang / sha mo 'byin na nyes byas so/ /bum pa'i mdam skya bo 'phyi na nyes byas
204b2 so/ /kha zas 'dam skya ba za na nyes byas so/ /gal te rung bar byas pa yin na ltung ba med do/ /ltung byed gnyis pa'i dang po rdzogs s+ho// // gleng gzhi ni rgyal po'i khab na'o/ /gang gi tshe mdza' bo dang / sa la skyes kyis drug sde
204b3 rnams kyi mdun du tshe dang ldan pa gyad bu nor la 'phya bar byed pa na de bzhin du dge slong ma mdza' mo zhes bya ba yang bcu gnyis sde rnams kyi mdun du gyad bu nor la 'phya bar byed do/ /de nas dge slong ma gnas brtan gnas brtan dag gis 'di skad ces
204b4 smras so/ /mdza' mo 'khor gyis gtso bo la ma 'phya shig /de la de skad du bsgo ba na 'on kyang 'phya bar byed pa'i skabs de dge slong ma rnams kyis bcom ldan 'das la gsol to/ /bcom ldan 'das kyis bka' stsal pa/ dge slong
204b5 mas dge slong ma mdza' mo ngor 'phya ba'i grangs su chug shig / grangs su gzhug pa ni 'di ltar bya ste/ gnas mal bshams pa byas nas zhes bya ba nas/ 'phags ma'i dge 'dun phu nu mo dag bdag la gsan du gsol/
204b6 dge slong ma mdza' mo 'di tshe dang ldan pa gyad bu nor la ngor 'phya lags kyis/ gal te 'phags ma'i dge 'dun gyis dus la bab cing bzod na 'phags ma'i dge 'dun gyis gnang bar mdzod cig dang / dge slong ma mdza'
204b7 mo ngor 'phya ba'i grangs su stsal to/ /'di ni gsol ba'o/ /de bzhin du las kyang brjod par bya'o/ /'on kyang gzhog 'phyas kyis 'phya bar byed pa nas zhes bya ba nas/ bcom ldan 'das kyis bka' stsal pa/ dge slong ma dag
204b8 dge slong ma mdza' mo gzhog 'phyas byed pa'i grangs su chug shig ces bya ba'i bar te/ 'di ni gsol ba'o/ /las kyang brjod par bya'o/ /phyi nas gzhog 'phyas dang / ngor 'phya ba gnyis ka byed nas zhes bya ba nas/ bcom
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa