| e-texts navigator |
| བོད་ཡིག |
196b1 de bzhin du 'dzin to zhes bya ba'i bar ro/ /de nas dge slong ma drang mos khyod kyi phyir khyim du so sor go bar byed pa'i dge slong ma spro bar byas so zhes thos so/ /thos nas kyang dge slong ma drang mo khyim du so so go bar byed pa'i dge slong ma gang na ba der
196b2 song ste phyin nas dge slong ma de la 'di skad ces smras so/ /phu nu mo khyod dge 'dun gyis kho mo'i phyir khyim du so sor go bar byed par bskos sam/ des 'di skad ces smras so/ /de yin no/ /phu nu mo khyod kyis kho mo 'di ltar khyim rnams su ma dad pa
196b3 mang du byas pa yid ches sam/ des 'di skad ces smras so/ /yid ches so/ /drang mos 'di skad ces smras so/ /ji ltar gcig la yid ches pa ltar gcig shos la yang de dang 'dra bas kho mos khyod kyis lto dral la rgyu mas dbyar khang 'khor
196b4 bar bskor ro/ /de nas dge slong ma de skrag nas skabs de dge slong ma'i dge 'dun la rgyas par smras so/ /dge slong ma rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong ma rnams
196b5 kyis gsol ba 'ba' shig pa bya'o/ /bcom ldan 'das kyis gsol ba 'ba' shig pa bya'o zhes bka' stsal pa ma shes nas/ bcom ldan 'das kyis bka' stsal pa/ gnas mal bsham pa byas nas zhes bya ba nas/ 'phags
196b6 ma'i dge 'dun phu nu mo dag bdag la gsan du gsol/ dge slong ma drang mo 'di ci nas kyang skye bo'i tshogs chen po ma dad par rig par 'gyur ba de lta de ltar khyim rnams su spyod par bgyid de/ gal te 'phags ma'i dge
196b7 'dun gyis dus la bab cing bzod na 'phags ma'i dge 'dun gyis gnang bar mdzod cig dang / gsol ba 'ba' shig bgyis nas dge slong ma drang mo ji ltar snang ba dang / gang du de snang ba de kho nar 'di skad ces phu nu mo dag
196b8 khyed dge slong ma sdig can sa bon tshigs pa bzhin du skye ba'i mthu med pa 'dis bstan pa la tshod ma 'dzin cig / de lta mod kyi dge slong ma gnas brtan gnas brtan dag gis bstan pa 'di la tshad zung shig ces bsgo bar bgyi ste 'di ni gsol
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa