| e-texts navigator |
| བོད་ཡིག |
195a1 dge ba phun sum tshogs par bya'o zhes smra ba ste/ 'di ni tshig lhag pa zhes bya'o/ /yi ge mnyam pa zhes bya ba ni ji srid du a zhes smras pa de srid du de yang a zhes smra ba ste/ 'di ni yi ge mnyam pa zhes bya'o/ /yi ge lhag pa zhes
195a2 bya ba ni ji srid du a zhes ma smras pa de srid du de yang a zhes smra ba'o/ /chos 'don du 'jug na zhes bya ba ni sangs rgyas kyis gsungs pa 'am/ nyan thos kyis smras pa'o/ /ltung byed do zhes bya ba ni gong ma bzhin no/ /de la ltung bar ji ltar 'gyur
195a3 zhe na/ dge slong mas ji tsam cung zad gang zag bsnyen par ma rdzogs pa la kha bstams te chos 'don du 'jug na thams cad du ltung byed du 'gyur ro/ /gal te ldab ldib can dang / smra myur ba dang / dran par bya ba dang /
195a4 'dri ba gsol ba la sbyin pa la ltung ba med do/ /ltung byed drug pa rdzogs s+ho// // gleng gzhi ni mnyan yod na'o/ /nyon mongs pa rnams ma spangs pa'i phyir dang / mi shes pa'i phyir ltung ba dag 'byung zhing sngon
195a5 gyi ltung ba dag 'chags par byed pas de rnams bkur sti bya ba spyod de/ de rnams nang par sngar langs shing sangs rgyas dang / chos dang / dge 'dun la bsnyen bkur byed/ chag chag dang / phyag dar dang / phyi bdar byed do/ /
195a6 bcu gnyis sde de dag ni sems las chung ngur 'dug cing 'khod do/ /der yang khyim bdag lhags te de rnams kyis de dag mthong nas 'di snyam du dge slong ma rgan mo 'di dag ni rin po che shes shing rin po che gsog par byed
195a7 do/ /bcu gnyis sde 'di dag ni rin po che mi shes shing rin po che/ sogs par mi byed do snyam sems so/ /de nas bcu gnyis sde dag gis khyim bdag las thos nas 'di skad ces smras so/ /khyod 'di lta bu rin po che sogs
195a8 shig / de dag gis 'di skad ces smras so/ /ci'i phyir 'di dag sangs rgyas dang / chos dang / dge 'dun la sogs pa la mchod pa'i don du brtson par byed/ de dag gis 'di skad ces smras so/ /ltung ba 'di dang 'di dag
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa