rKTs

e-texts navigator

Volume

Page

193b₁ bsod snyoms kyang dgag lags mod/ de rnams yang bsod snyoms kyis phongs par gyur pa nas/ bcom ldan 'das la gsol pa dang / bcom ldan 'das kyis bka' stsal pa/ de lta bas na tshigs lnga pa'i chos bstan par bya'o/ /
193b₂ bcom ldan 'das kyi tshig lnga'i chos bstan par bka' stsal pa na de rnams kyis ma shes nas/ bcom ldan 'das kyis bka' stsal pa/ khyim bdag gzugs ni mi rtag go/ /tshor ba dang / 'du shes dang / 'du byed rnams dang /
193b₃ rnam par shes pa ni mi rtag go zhes bya ba'o/ /gang gi tshe de rnams kyis tshig lnga'i chos bstan par brtsams pa dang / de nas bram ze dang / khyim bdag de rnams kyis 'di skad ces smras so/ /'phags ma dag ci'i slad du khyed kyis
193b₄ chos mang du mi bshad/ khyim bdag bcom ldan 'das kyis de tsam zhig bca' ba mdzad do/ /'phags ma dag ci khyed sprig ka'i rin gyi chos shig bstan par rtsom mam/ de nas bram ze dang / khyim bdag de rnams kyis 'di
193b₅ skad ces smras so/ /ji ltar bdag cag la chos nyung ngu bstan pa de ltar bdag gis bsod snyoms kyang nyung ngu 'bul lo/ /de ltar bsod snyoms kyis phongs par gyur pa'i skabs de bcom ldan 'das la gsol pa dang /
193b₆ bcom ldan 'das kyis bka' stsal pa/ tshig drug gi chos bstan par bya'o zhes bcom ldan 'das kyis bka' stsal pa na de rnams kyis ma shes nas/ bcom ldan 'das kyis bka' stsal pa/ khyim bdag /
193b₇ mig ni mi rtag go/ /khyim bdag rna ba dang / sna dang lce dang / lus dang / yid ni mi rtag go zhes bya ba'o/ /gang gi tshe dge slong ma de rnams kyis tshig drug gi chos bstan par brtsams pa dang / de nas bcu gnyis
193b₈ sde de rnams kyis 'di skad ces smras so/ /tshigs lnga gang yin pa de drug par byas 'dod cig /tshig drug pas chang ni ma 'thungs sgog skya ni ma zos na nyes pa ci yod/ de bzhin du ched du bsams te tshig drug byas pa la tshig

_{iiif viewer powered by OpenSeadragon}

193a - 194a

Texts on this page