| e-texts navigator |
| བོད་ཡིག |
190b1 skyes te ro 'di ni/ /bsad nas bde bas dga' bar byed/ /dge slong ma dag re shig dud 'gro'i skye gnas su song ba'i srog chags de dag kyang gcig la gcig phra mas kun tu spyad pa na/ sdug bsngal dang yid mi bde ba mang po
190b2 gnas par byed na/ bud med lhag par khro ba lta smos kyang ci dgos/ dge slong ma dag de lta bas na phra mas kun du spyad par mi bya'o/ /kun du spyod na ltung byed do/ /de nas bcom ldan 'das kyis byung ba 'di dang zhes bya ba nas/ bslab
190b3 pa bca' ba'i bar du mdzad de/ dge slong mas phra ma smras na ltung byed do/ /phra ma'i bsam pa can gyi gang zhes bya ba nas ngag dang / tshig dang zhes bya ba'i bar snga ma bzhin no/ /ltung byed do zhes bya ba ni ltung bar byed ces bya ba'i bar
190b4 snga ma bzhin no/ /de la ltung bar ji ltar 'gyur zhe na/ dge slong mas bram ze las rab tu byung ba'i drung du song ste 'di skad ces 'phags ma khyod la dge slong ma che ge mo zhig 'di skad ces khyod la dge sbyong gi tshul dang / tshangs pa'i tshul gyis
190b5 ci zhig bya/ khyod ni bram ze las rab tu byung ba yin no zhes zer ro/ /zhes smra zhing rigs sgrogs par byed na nyes byas so/ /rus sgrogs par byed na yang nyes byas so/ /de bzhin du rgyal rigs las rab tu byung ba zhes bya ba nas/
190b6 nyes byas so zhes bya ba'i bar ro/ /de bzhin du rje'u rigs las rab tu byung ba zhes bya ba nas/ ltung byed do zhes bya ba'i bar ro/ /de bzhin du dmangs rigs las rab tu byung ba la zhes bya ba nas/ ltung byed do zhes bya ba'i bar te/ 'di ni rigs
190b7 shes bya ba yin no/ /dge slong mas bram ze las rab tu byung ba'i drung du song ste 'di skad ces 'phags ma khyod la dge slong ma che ge mo zhig 'di skad ces khyod la dge sbyong gi tshul dang / tshangs pa'i tshul gyis ci zhig bya/ khyod ni bram ze
190b8 las rab tu byung ba yin pas khyod ni rang gi gzhung lugs la bslab dgos so zhes zer ro zhes smra zhing bzo sgrogs par byed na nyes byas so/ /de bzhin du rgyal rigs las rab tu byung ba la zhes bya ba nas/ nyes byas so zhes bya ba'i bar ro/ /
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa